Ош мамлекеттик университетинин Медициналык колледжинде фармация адистигинин бүтүрүүчү курс студенттери үчүн мамлекеттик аттестацияга карата обзордук (жалпылоо) лекция уюштурулду. �ш-чаранын максаты — студенттердин кесиптик даярдыгын бекемдөө жана билимдерин системалаштыруу аркылуу мамлекеттик экзаменге сапаттуу даярдыкты камсыздоо болуп саналат. Лекцияда фармацевтикалык химия, фармакология, дары формаларын технологиясы, уюштуруу-экономикалык дисциплиналар сыяктуу негизги предметтер боюнча актуалдуу маселелер каралды. Окутуучулар тарабынан теоретикалык материалдар практикалык мисалдар менен бекемделип, экзамендик суроолордун мазмуну боюнча түшүндүрмөлөр берилди. �ш-чара студенттердин предметтер боюнча терең түшүнүгүн чыңдоого жана өз алдынча даярдануу багыттарын аныктоого өбөлгө болду. Лекция интерактивдүү форматта өтүп, студенттер суроолорду берип, жоопторду талкуулашты. 22 10:14 05-06-2025