2025-жылдын 29-августунда Кыргыз-Кытай факультетинде жаңы окуу жылына кабыл алынган 1-курс студенттери үчүн адаптациялык иш-чара өткөрүлдү. �ш-чарага кытай таануу, лингвистика, филология жана программалык инженерия багыттарына тапшырган студенттер катышышты. Факультеттин деканы, кафедра башчысы жана окутуучулар сөз сүйлөп, студенттерге факультеттин ишмердүүлүгү, окуу процесси, ошондой эле контракттык негиздеги билим алуу шарттары тууралуу кеңири маалымат беришти. Адаптациялык күндүн негизги максаты – жаңы студенттерди факультеттин ички тартиби, окуу программалары жана илимий-адабий чөйрөсү менен тааныштырып, аларды жогорку билим дүйнөсүнө шыктандыруу болду. Бул иш-чара студенттердин өз алдынча билим алуу маданиятын калыптандырууга жана университеттик жашоого ийгиликтүү кирип кетүүсүнө өбөлгө түздү. 7 14:38 29-08-2025