Ош мамлекеттик университетинин профессордук-окутуучулук курамынын жылдык рейтинги жыйынтыкталды. Рейтинг атайын жобонун негизинде университеттин окутуунун сапаты жана методикалык камсыздоо бөлүмү тарабынан жүргүзүлдү. Ага жеке баракчаларын толтурган 2299 профессордук-окутуучулук курам катышты. Мында атайын эксперттик комиссия түзүлдү. Анда катышуучулардын окуу-усулдук ишмердүүлүгү боюнча студенттердин өз алдынча иштерин жетектөө, алдыңкы тажрыйбаны жайылтуу, жарык көргөн басылмалар, квалификацияны жогорулатуу, баарлашуу тилдерин билүү, эл аралык тажрыйба алмашуу, коммерциялизациялоо, предметтик олимпиадаларга, сынактарга, мелдештерге студенттерди даярдоо, насаатчылык сыяктуу критерийлер каралган. Жыйынтыгында университеттеги эң мыкты окутуучулардын ондугу түзүлүп, педагогика, искусство жана журналистика институтунун педагогика кафедрасынын башчысы, п.и.к.,доцент Г.А.Жутанова, психология кафедрасынын улук окутуучусу К.М.Кожомбердиева алдыңкы орунга жетишти. 41 03:41 11-10-2025