2025-жылдын 27-октябрында аспирантура жана докторантура бөлүмү тарабынан Ош мамлекеттик университетинин изденүүчүлүгүнө илимдин доктору жана илимдин кандидаты окумушутуулук даражасын изденип алуу үчүн изденүүчүлөрдү кабыл алуу боюнча конкурстук комиссиянын отуру болуп өттү. Конкурстук комиссияга илимий иштер жана инновациялар боюнча проректор, ф.-м.и.к., доцент Э.А. Эшаров төрагалык кылып, тиешелүү адистиктер боюнча илимдин докторлору, университеттин алдыңкы окумуштуулары катышып, изденүүчүлөрдүн илимий темаларын, адистиктеринин шифрын жана илимий жетекчилерин (кеңешчи) бекитүүгө өздөрүнүн сунуштарын билдиришти. Жыйынтыгында 2025-2026-окуу жылы үчүн ОшМУнун изденүүчүлүгүнө илимдин кандидаттыгына 13, илимдин докторлугуна 19 талапкердин темалары комиссия мүчөлөрүнүн пикирлерин эске алуу менен бекитүүгө сунушталды. �лимдин докторлугуна: 14.01.00 – клиникалык медицина илимдери – 4; 01.00.00 – физика-математика илимдери – 2; 13.00.00 – педагогика илимдери – 4; 05.00.00 – техника илимдери – 1; 19.00.00 – психология илимдери – 1; 08.00.00 – экономика илимдери – 2; 03.00.00 – биология илимдери – 1; 12.00.00 – юридикалык илимдер – 1; 10.00.00 – филология илимдери – 3. �лимдин кандидаттыгына: 10.00.00 – филология илимдери – 2; 13.00.00 – педагогика илимдери – 3; 12.00.00 – юридикалык илимдер – 1; 08.00.00 – экономика илимдери – 2; 07.00.00 – тарых илимдери – 3; 05.00.00 – техника илимдери – 2. 23 10:38 28-10-2025