2-декабрда Ош мамлекеттик университетинин Конфуций институту Токтогул Сатылганов атындагы Ош облустук китепканасында Айтматов күнүнө карата маданий-агартуу иш-чарасын ийгиликтүү өткөрдү. �ш-чаранын максаты – кыргыз жана кытай элдеринин маданий байланышын чыңдоо, окурмандарга кытай маданиятын тааныштыруу жана маданий алмашууну өнүктүрүү болду. �ш-чаранын ачылышында Конфуций институтунун студенттери кытайдын классикалык бийин жана согуш өнөрүн тартуулап, көрүүчүлөргө жагымдуу маанай тартуулашты. Андан соң Конфуций институтунун кытайлык директору Ан Дэюань сөз сүйлөп, китепканалардын билимди жайылтууда жана маданий алмашууда өзгөчө мааниге ээ экенин белгиледи. Ошондой эле Кыргызстандын тарабындагы директор окуунун жана китептин адамдын өнүгүүсүндөгү орду тууралуу ойлору менен бөлүштү. Китепкананын жетекчилиги тарабынан Конфуций институтунун ишмердүүлүгүнө жогору баа берилип, кытай тилиндеги китеп бурчу маданий кызматташтыктын жаңы этабына айланаары белгиленди. �ш-чаранын алкагында Конфуций институту китепканага кытай тилиндеги китептерди белекке тапшырды. Ошондой эле каллиграфия, кол өнөрчүлүк, кагаз кесүү жана чай маданияты боюнча атайын тажрыйба аянтчалары уюштурулуп, катышуучулар кытай маданияты менен жакындан таанышты. �ш-чаранын соңунда катышуучулар китепкананын бөлүмдөрү менен тааныштырылды. Бул маданий демилге жергиликтүү коомчулук үчүн Кытай маданиятын таанып-билүүгө мүмкүнчүлүк берип, кыргыз-кытай элдеринин достук мамилесин бекемдөөгө багытталды. Келечекте ОшМУнун Конфуций институту мындай маданий-агартуу иш-чараларды мындан ары да үзгүлтүксүз өткөрүүнү улантат. 71 03:47 08-12-2025