5-апрель күнү Эл аралык билим берүү программалары колледжинин студенттери Өзгөн мунарасы тарыхый комплексине барып, таанып-билүү сапарын өткөрүштү. Бул иш-чара студенттердин тарыхка болгон кызыгуусун арттыруу жана улуттук мурастарды тереңирээк түшүнүү максатында уюштурулду. Сапардын жүрүшүндө студенттер мунаранын тарыхы, анын курулуш өзгөчөлүктөрү жана Караханиддер доорундагы мааниси тууралуу кеңири маалымат алышты. Өзгөн мунарасы – кыргыз элинин бай тарыхын чагылдырган уникалдуу эстеликтердин бири болуп эсептелет. Студенттер үчүн мындай практикалык экскурсиялар билимди бекемдеп гана тим болбостон, мекенге болгон сый-урматты да күчөтөт. Катышуучулар өздөрүнүн таасирлери менен бөлүшүп, мындай иш-чаралардын мындан ары да улантылышын каалашарын белгилешти. Бул сапар жаштардын тарыхый аң-сезимин калыптандырууда маанилүү кадам болуп калды. 38 11:03 07-04-2026