Өзбекситан Республикасынын Наманган шаарында жайгашкан «University of Business and Science» университетине барып, Сыдыкова Наргул Айдарбековна, Аманалиева Айдана Насиралиевна, Абдыкадырова Жаңыл Данияровна конок лекция өтүп келдик. �ш-чара жогорку деңгээлде уюштурулуп, абдан кызыктуу, мазмундуу жана пайдалуу өттү. Лекциянын жалпы узактыгы 6 академиялык саатты түздү. Бул убакыт аралыгында сабак интерактивдүү форматта өтүп, теориялык түшүндүрмөлөр практикалык мисалдар менен коштолду. Студенттер менен активдүү байланыш түзүлүп, суроо-жооп, талкуу жана пикир алмашуу жүргүзүлдү. Лекция учурунда катышуучуларга актуалдуу темалар сунушталып, алар реалдуу турмуштук мисалдар аркылуу түшүндүрүлдү. Окутуучулар өздөрүнүн тажрыйбалары менен бөлүшүп, билим берүү процессин жакшыртуу жана келечектеги кесиптик өнүгүү тууралуу маанилүү ойлорду ортого салышты. Студенттердин активдүүлүгү жана кызыгуусу өзгөчө белгиленди. Алар берилген материалды кунт коюп угуп, суроолорду берип, талкууга активдүү катышышты. Бул алардын предметке болгон кызыгуусун жана билим алууга умтулуусун көрсөттү. �ш-чаранын негизги максаты — студенттерге заманбап билим берүү тенденциялары, технологиялык өнүгүү, ошондой эле кесиптик компетенцияларды өнүктүрүү боюнча маалымат берүү жана тажрыйба бөлүшүү болду. Мындай конок лекциялар студенттер менен окутуучулар ортосундагы байланыштарды чыңдоого, тажрыйба алмашууга жана академиялык чөйрөнү өнүктүрүүгө чоң мүмкүнчүлүк түзөт. Жыйынтыгында, конок лекция жогорку деңгээлде өтүп, бардык катышуучулар үчүн пайдалуу, таасирдүү жана унутулгус тажрыйба болду 31 03:18 13-04-2026