ОшМУда Бүткүл дүйнөлүк эмгекти коргоо күнүнө карата моделдик сабак өткөрүлдү 28-апрель — Бүткүл дүйнөлүк эмгекти коргоо күнүнө карата Медицина факультетинин Аскердик-медициналык даярдоо жана өмүр коопсуздугу кафедрасынын окутуучулары тарабынан маанилүү иш-чара уюштурулду. Кафедранын улук окутуучусу Ы.А. Перханова жана окутуучу Н.Ж. Эрмекбаев башталгыч класстардын мугалимдери үчүн "Эмгекти коргоо жана коопсуздук техникасы" деген темада моделдик сабак өтүштү. Сабактын негизги багыттары: • Укуктук негиздер: Катышуучуларга КРнын Конституциясынын нормалары, Эмгек кодекси жана эмгекти коргоонун мыйзамдык-нормативдик базасы боюнча кеңири маалымат берилди. • Өндүрүштүк коопсуздук: �ш ордундагы коопсуздук эрежелери, ден соолукка терс таасирин тийгизүүчү зыяндуу жана коркунучтуу факторлорду алдын алуу жолдору талкууланды. • Өрт коопсуздугу: Өрттүн келип чыгуу булактары, жаракат берүүчү факторлор жана өрт коопсуздук эрежелерин сактоонун маанилүүлүгү баса белгиленди. • Практикалык көндүмдөр: Өрт өчүрүүнүн биринчилик каражаттарын (огнетушитель ж.б.) туура колдонуу тартиби көрсөтүлүп, өзгөчө кырдаалдарда алгачкы жардам көрсөтүү ыкмалары үйрөтүлдү. Бул иш-чаранын максаты — билим берүү тармагында эмгектенген кызматкерлердин коопсуз иш чөйрөсүн түзүү боюнча сабаттуулугун арттыруу жана кесиптик оорулардын, кырсыктардын алдын алуу болуп саналат. Коопсуз эмгек — ар бир кызматкердин укугу жана негизги кепилдиги! 60 09:03 29-04-2026