Табигый илимдер, дене тарбия, туризм жана агрардык технологиялар институтунун директору, профессор Низамиев А.Г. Бердақ атындагы Каракалпак мамлекеттик университетинин ардактуу профессору наамына татыктуу болду.

Бул ардактуу наам ага Ош мамлекеттик университети менен Бердақ атындагы Каракалпак мамлекеттик университетинин ортосунда окуу процесси жана илимий-изилдөө иштеринде тыгыз байланыштарды түзүүгө, жалпы Өзбекстанда, анын ичинде Каракалпакстанда илимий-педагогикалык кадрларды даярдоого, климаттын өзгөрүшүн, Арал деңизинин соолушунун көйгөйлөрүн жана анын кесепеттерин изилдөөгө кошкон салымы үчүн ыйгарылды.