Ош мамлекеттик университетинин Математика, физика, техника жана маалыматтык технологиялар институтунун доценттери Аркабаев Нуркасым Кылычбекович менен Садыкова Гульхан Курбанбековна 2026-жылдын 4-5-сентябрында Ташкент шаарында өткөн «Эсептөө моделдери жана технологиялары (CMT2026)» төртүнчү эл аралык илимий конференциясына өздөрүнүн илимий жыйынтыктары менен катышып, Өзбекстан Улуттук университетинде жана В.�.Романовский атындагы Математика институтунда баяндама жасашты. Пленардык жыйындагы жана секциялык иштердеги баяндамалар Россия, �ндия, Малайзия, Казахстан, Кыргызстан жана Өзбекстан мамлекеттеринен келген окумуштуулар тарабынан англис тилинде жасалды.

Конференциянын максаты — математика, колдонмо математика, эсептөө моделдери жана интеллектуалдык технологиялар тармагындагы заманбап илимий жыйынтыктарды талкуулоо, тажрыйба алмашуу, окумуштуулар менен изилдөөчүлөрдүн ортосундагы илимий кызматташтыкты өнүктүрүү, ошондой эле жаштарды илимий-изилдөө ишмердүүлүгүнө кеңири тартуу болду.

Конференциянын тең уюштуруучулары катары МАРА Технологиялык университети (Малайзия), Абай атындагы Казак улуттук педагогикалык университети (Казакстан), Рурки Технологиялык институту (�ндия) жана Tashkent International University (Өзбекстан) чыгышты.