2026-жылдын 28-сентябрында Ош мамлекеттик университетинин Эл аралык медицина факультетинде «Медициналык дисциплиналарды окутууда жасалма интеллектти колдонуу» темасында онлайн семинар-воркшоп болуп өттү. �ш-чарага ЭАМФтин 40тан ашуун окутуучусу катышты. Семинардын жүрүшүндө билим берүү процессинде заманбап жасалма интеллект инструменттерин практикалык колдонуу мүмкүнчүлүктөрү каралды. Өзгөчө көңүл ChatGPT аркылуу окуу визуалдарын, схемаларды, салыштырма таблицаларды жана башка материалдарды түзүүгө, ошондой эле Veo 3.1 аркылуу кыска билим берүүчү видеолорду даярдоого бурулду. Катышуучулар натыйжалуу промпт түзүүнүн принциптери, жасалма интеллект менен иштөөдөгү типтүү каталар жана медициналык билим берүүдө Ж�ни коопсуз колдонуу эрежелери менен таанышты. Семинар практикалык форматта өттү: окутуучулар лекцияларды, практикалык сабактарды жана интерактивдүү окуу материалдарын даярдоодо колдонууга боло турган даяр командалардын жана алгоритмдердин мисалдарын алышты. Баяндамачы: ММФтин Окуу-усулдук кеңешинин төрайымы, доцент Базиева А. Мындай иш-чараларды өткөрүү окутуучулардын санариптик компетенцияларын жогорулатууга жана ОшМУнун Эл аралык медицина факультетинин окуу процессине заманбап билим берүү технологияларын киргизүүгө өбөлгө түзөт. 83 06:56 28-09-2026