Даярдоо курсунун студенттерин Түркияга узатуу 2026-жылдын 20-октябрында ОшМУнун Теология факультетинин даярдоо курсунда билим алуу үчүн Түркия Республикасынын Анкара шаарына, Анкара университетине 52 студент узатылды. Студенттердин Түркияда билим алуусу жана жашоосу Түркия Диянет фондунун (TDV) каржылык колдоосу менен камсыздалат. Фонд студенттердин окуу акысын, жатаканасын, тамак-ашын жана жол кире чыгымдарын толугу менен каржылайт. Бул демилге жаштардын сапаттуу билим алуусуна, кесиптик жана инсандык жактан өнүгүүсүнө, ошондой эле эки өлкөнүн билим берүү тармагындагы кызматташтыгын чыңдоого чоң мүмкүнчүлүк түзөт. ОшМУнун Теология факультети студенттерге ийгиликтүү окуу, жаңы билимдерди өздөштүрүү жана келечекте элине кызмат кылган билимдүү адистерден болуу жолунда ийгиликтерди каалайт. 5 18:04 21-10-2026