Главная
Профессор ОшМУда онлайн лекция окуду.
Кыргыз республикасынын белгилүү коомдук ишмери, окумуштуу, ф.-м-и-д, профессор Осмоналиев Каныбек ушул жылдын 16- майында ОшМУнун 85 жылдыгынын урматына "Физика илиминин азыркы учурдагы абалы" деген темада онлайн лекция өтүп берди. Лекцияга ОшМУнун физика адистигинин 2-3-4- курстарынын студенттери, физика математикалык билим берүү багытынын магистрлери, 510400 " Физика " багытында окуган магистрлер, математика, физика, техника жана информациялык технологиялар институтунун профессордук - окутуучулар курамы, физика кафедраларынын окутуучулары, ОшТУнун, Кыргыз-Өзбек эл аралык университетинин окумуштуулары, Ноокат, Кара-Суу районунун физик мугалимдери жана Ош шаарынын физик мугалимдери катышты. Жалпысынан 59 онлайн, 30га жакын офлайн катышуучу болду. Профессор Каныбек Осмоналиев " Кванттык компьютерлер", "Хигстин бозону", " Күңүрт энергия жана зат", "Метаматериалдар " тууралуу илимий баяндама жасады. Баяндаманын аягында кызыктуу суроолорго жооп берди. Онлайн лекцияны институттун ЭТФ кафедрасы менен жалпы физика жана ФОУ кафедралары уюштурду.
