Главная
Профессор Зина Караеванын урматына арналган Симпозиум илим, билим жана искусствону бириктирди. 11-октябрда Бишкекте профессор Зина Караеванын академиялык салымына арналган "Семиотика жана өмүрдүн семиозу" эл аралык ОДИД-2025 симпозиуму өттү. Иш-чара МУКТУН ("Жаштар борбору", Л.Толстой көч., 17а/1) аянтчасында гибриддик форматта өтүп, гуманитардык жана табигый илимдердин окумуштууларын жашоо тууралуу дисциплиналар аралык диалог үчүн бириктирди. Программада пленардык лекциялар, секциялар, тегерек столдор, семиоз лабораториялары, постердик сессия жана улуттук экспонаттардын көргөзмөсү болуп өттү. Симпозиумдун жыйынтыгы боюнча катышуучулар мындан аркы кадамдарды белгилешти: "Жашоонун семиотикалык тибинин" концептуалдык картасын даярдоо, тексттердин дисциплиналар аралык корпусун түзүү жана биргелешкен долбоорлорду жана басылмаларды өнүктүрүү..
PhD-докторанттын илимий-изилдөө иши жана тажрыйба алмашуусу. Караева Нургүл Бейшенбековна, PhD-докторант жана РЕИБ "Башталгыч билим берүү. Англис тили" программасынын окутуучу, 2025ж. 9-11июнь айында Казакстан Республикасынын Алматы шаарында илимий изилдөө жана тажрыйба алмашуу иштерин жүргүздү. Бул изилдөө дипломдук ишин даярдоого жана коргоо үчүн абдан маанилүү болуп саналат.
PhD докторанттын илим-билим берүүгө багыталган стажировкасы Дубайдын университеттеринде өттү. 29-майдан 5-июнга чейин окутуучу Караева Нургуль Бейшенбековна "Санарип Академия" билим берүү платформасы жана "Дубай университети" уюштурган Дубай шаарындагы (БАЭ) "Санарип Академия" долбоорунун алкагында илимий-билим берүү стажировкасынан өттү. Илимий-окуу сапарынын алкагында инженердик, жарандык дисциплиналар, тарых жана педагогиканы окутуунун заманбап ыкмалары талкууланды. Катышуучулар тажрыйба алмашып, лекцияларга катышып, эл аралык билим берүү практикалары менен таанышышты. Бул сапар академиялык кызматташтыкты бекемдөөдө, кесиптик өсүүдө жана ОшМУнун Билим берүү процессине инновациялык ыкмаларды киргизүүдө маанилүү кадам болду.
2025-жылдын 25- апрелинде Жусуп Баласагын атындагы Кыргыз улуттук университетинин 100 жылдыгына жана Чет тилдер институтунун көрүнүктүү устаттары Акчекеева Мария Султановна, Шаршенова Равшан Малаевна, Кадырбекова Памира Кадырбековнанын 50 жылдык илимий - педагогикалык ишмердүүлүгүнө арналган "50 жыл илим-билимди басып өткөн өрнөктүү өмүр" аттуу эл аралык илимий - практикалык конференцияда доцент, Сейитбекова Сурмакан Сейитбековна " Тил жана маданият аралык баарлашуу" жана " Тилдик инсандын концептосферасы" деген темада илимий баяндама жасады. Ушул эле эл аралык илимий - практикалык конференцияда, доцент, Байтикова Гульнара Сардаровна " Изучение грамматики английского языка в школе" деген темада илимий баяндама жасап, угуучулардын купулуна толду.
ЭАББПЖМ, РЕИ бөлүмүнүн окутуучулары Сапарбаева А., Кутушева Н.жана МОЦД,ВНО программасынын студенттери Ташкент шаарында болуп откон “Life Science Festival-2025” эл аралык конференциясына катышты. Студенттер “Young Leaders Week” программасынын иш-чараларында ОшМУ,ВШМОПтун атынан активдүү катышып келишти.
Окутуучу Даниярова Г.М. 2025-жылдын 17-январынан 24-январына чейин Ташкент шаарындагы Өзбек мамлекеттик дүйнөлүк тилдер университетинин докторанты катары илимий стажировкадан өттү. Докторант университеттин докторантура бөлүмү менен таанышып, университеттин кеңири китепканасында болуп, диссертациясынын темасы боюнча аткарылган иштерди сырттан илимий жетекчиси Ректор И.М.М.Тухтанов менен талкуулады.
Программанын окутуучулары доцент Сейитбекова С.С жана доцент Байтикова Г.С. 2024-жылдын 20-майынан 29-майына чейин Казакстандын Астана шаарында Назарбаев университетинин колдоосу менен Эл аралык Түрк академиясы тарабынан уюштурулган жана өткөрүлгөн «Жасалма интеллект жана санариптик технологияларды билим берүүдө колдонуунун эффективдүү интеграциясы (илимий изилдөөдө тил үйрөтүү)» аттуу эл аралык илимий-методикалык семинарга катышты.
2.07.2024г. Программанын окутуучусу Караева Н.Б. Кара-Кыргыз Автономиялуу облусунун түзүлгөндүгүнүн 100 жылдыгына арналган «Жети-Суу глобалдык өзгөрүүлөрдүн доорунда» аттуу эл аралык илимий-практикалык конференцияга катышып, «Жети-Суу областынын шартында кыргыздардын жана казактардын мамилесинин башаты – бирдиктүү административдик мейкиндик» деген темада доклад окуду. Конференцияга Кыргызстан менен Казакстандын, Кытай менен Франциянын өкүлдөрү катышты. Иш-чараны Ж.Баласагын атындагы КУУнун Тарых жана чөлкөм таануу институту Франциянын Борбор Азия изилдөөлөр институту менен биргеликте уюштурган.
Эл аралык конференцияда Жогорку мектебинин профессору.
2024-жылдын 5-декабрында Казан федералдык университетинде профессор З.Г.Ныгматовдун туулган күнүнүн 85 жылдыгына арналган “Нигматов окуулары: “Гуманисттик билим: салттар, инновациялар, перспективалар” аттуу VI Эл аралык илимий-практикалык конференция болуп өттү, ага Кыргызстандан келген окумуштуулар жана педагогдор, анын ичинде ар кайсы мамлекеттерден өкүлдөр катышты. Философия илимдеринин доктору, ОшМУнун Эл аралык билим берүү программалары жогорку мектебинин профессору Э.К.Шарипова жана КР УИАнын А.Алтымышбаев атындагы Философия институтунун аспиранттары «Заманбап шарттарда маалыматтык коопсуздук» аттуу докладын угушту.
2023г.Программа жетекчи, улук окутуучу Марзабаева Б.Т. Эл аралык Ала-Тоо университетинде өткөн, профессор философия илимдеринин доктору, Кыргыз Республикасынын билим берүүсүнө эмгек сиңирген ишмер Эдилова Мариям Миталиповнанын 70 жылдыгына арналган “Гендер философиясы: теория жана практика” аттуу эл аралык илимий-практикалык конференцияга катышты.
