STEM ИННОВАЦИЯЛЫК КОЛЛЕДЖИНДЕ ЭЛ АРАЛЫК СТУДЕНТТЕР КҮНҮ БЕЛГИЛЕНДИ!
ИКД циклынын командалары Спартакиадада I орунду багындырышты!
Майрамдык иш-чаранын жүрүшүндө Спартакиадада волейбол боюнча ийгилик жараткан ИКД циклынын окутуучулары жана студенттери да сыйланышты.
Мелдеште ИКД циклынын окутуучулары жана студент балдардан түзүлгөн эркектер командасы, ошондой эле окутуучу эжекелер жана студент кыздардан түзүлгөн кыз-келиндер командасы ийгиликтүү оюн көрсөтүп, эки команда тең I орунду ээлешти.
Жеңүүчүлөрдү сыйлоо аземи Эл аралык студенттер күнүнө арналган майрамдык иш-чаранын алкагында өткөрүлүп, командаларга жеңиштери үчүн дипломдор жана сыйлыктар тапшырылды.
Бул жетишкендик ИКД циклынын жамаатынын ынтымагын, биримдигин жана спортко болгон кызыгуусун дагы бир жолу далилдеди. Жеңүүчүлөрдү чын жүрөктөн куттуктайбыз! Мындан аркы иштерине ийгилик, жаңы жеңиштерди каалайбыз!












