Главная
Түрк тилдүү мамлекеттердин интеграциясы бөлүмү
Бөлүмдүн тарыхы
2018-жылы Ош мамлекеттик университетинде Кыргыз-Түрк факультетинин түзүлүшү менен жаңы академиялык багыттар өнүгүү жолуна түшкөн. Кийинчерээк университеттин түзүмүн оптималдаштыруу алкагында бул база кеңейтилип, Эл аралык билим берүү программаларынын жогорку мектебинин курамында “Түрк тилдүү мамлекеттердин интеграциясы” бөлүмү түзүлгөн.
Бөлүм түзүлгөн күндөн тартып билим берүү, илимий изилдөө, эл аралык байланыштарды өнүктүрүү жана заманбап технологияларды окутуу процессине киргизүү багытында активдүү иш жүргүзүп келет. Бүгүнкү күндө бөлүмдө тажрыйбалуу профессордук-окутуучулук курам эмгектенип, студенттерге сапаттуу билим берүү менен бирге алардын илимий жана кесиптик өсүшүнө шарт түзүп келет.
Максаты жана миссиясы
Максаты
Заманбап билим берүү стандарттарына ылайык, дүйнөлүк интеграция процессине шайкеш келген, жогорку квалификациялуу, сынчыл ой жүгүртө алган жана улуттук баалуулуктарды урматтаган адистерди даярдоо.
Миссиясы
Санариптик технологияларды, инженердик ой жүгүртүүнү жана эл аралык тажрыйбаны айкалыштыруу аркылуу билим берүүдө жана илимде алдыга чыккан жаңы муунду калыптандыруу.
Баалуулуктары
- Сапаттуу билим берүү
- Инновация жана өнүгүү
- Эл аралык интеграция
- Жоопкерчилик жана кесипкөйлүк
Материалдык-техникалык база
Компьютердик лабораториялар
Интернет тармагына туташкан заманбап компьютердик лабораториялар студенттердин практикалык көндүмдөрүн өнүктүрүүгө мүмкүнчүлүк берет.
Санариптик жабдуулар
Проекторлор, электрондук такталар, принтерлер жана башка окуу-техникалык каражаттар окуу процессинин натыйжалуулугун жогорулатат.
Креативдик мейкиндик
Студенттер үчүн чыгармачылык жана командалык иштерди жүргүзүүгө ылайыкталган атайын окуу чөйрөсү түзүлгөн.
Электрондук ресурстар
Электрондук китепкана, окуу-методикалык материалдар жана интернет мүмкүнчүлүктөрү аркылуу билим алуу жеткиликтүү уюштурулган.
Эл аралык байланыштар
Бөлүм эл аралык стандарттагы билим берүүгө өзгөчө көңүл бурат. Чет өлкөлүк университеттер жана өнөктөш мекемелер менен түзүлгөн байланыштар студенттерге академиялык мобилдүүлүк, тажрыйба алмашуу жана чет өлкөлөрдө билим алуу мүмкүнчүлүктөрүн камсыздайт.
Мындай кызматташтык студенттердин дүйнө таанымын кеңейтип, аларды атаандаштыкка жөндөмдүү, көп тилдүү жана заман талабына жооп берген адис катары калыптандырууга шарт түзөт.
Эл аралык мүмкүнчүлүктөр
Академиялык мобилдүүлүк, кошумча чет тилдерин өздөштүрүү, илимий долбоорлорго катышуу жана эл аралык программа, конференция, конкурс, практика алмашууларга чыгуу мүмкүнчүлүктөрү каралган.
Илимий багыттары
Илимий изилдөөлөр
Бөлүмдө фундаменталдык жана колдонмо илимий изилдөөлөр жүргүзүлүп, окутуучулар менен студенттердин изденүүчүлүк ишмердигине өзгөчө маани берилет.
Технология жана моделдештирүү
Санариптештирүү технологиялары, компьютердик моделдештирүү жана инженердик багыттагы илимий иштер бөлүмдүн негизги артыкчылыктуу багыттарынын бири болуп саналат.
Илимий чөйрө
Бөлүмдүн окутуучулары жана изденүүчүлөрү семинарларга, конференцияларга жана практикалык долбоорлорго активдүү катышып келишет.
