КМОПтун алты студенти академиялык мобилдүүлүк программасынын алкагында Жалал-Абад шаарына жөнөп кетишти

Эл аралык билим берүү программалары колледжинин «Котормо иши: чыгыш тилдери» бөлүмүнүн алты студенти академиялык мобилдүүлүк программасынын алкагында Жалал-Абад шаарындагы Эл аралык кыргыз-түрк колледжине окууга жөнөтүлдү.

Программанын максаты — билим берүү тажрыйбасы жана окуу программалары менен алмашуу, студенттердин ортосундагы достук мамилелерди чыңдоо жана билим берүү мекемелеринин ортосундагы кызматташтыкты өнүктүрүү.

КМОПтун студенттери Бишкек шаарындагы академиялык мобилдүүлүк программасына катышышты

2022-жылдын 14-ноябрынан 23-декабрына чейин Эл аралык билим берүү программалары колледжинин сегиз студенти академиялык мобилдүүлүк программасынын алкагында Таштан Эрматов атындагы Бишкек музыкалык-педагогикалык колледжине окууга жөнөтүлдү.

Программа студенттерге башка билим берүү мекемесинде билим алууга, жаңы тажрыйба топтоого жана кесиптик көндүмдөрүн өнүктүрүүгө мүмкүнчүлүк берет.

Академиялык мобилдүүлүк боюнча документ (PDF)

Ишеналы Арабаев атындагы колледждин студенттери КМОПко келишти

15-февралда Ишеналы Арабаев атындагы колледждин студенттери академиялык мобилдүүлүк программасынын алкагында Эл аралык билим берүү программалары колледжине келишти.

Сапардын максаты — студенттердин ортосундагы достук мамилелерди чыңдоо, тажрыйба алмашуу жана катышуучуларды окутуунун жаңы усулдары менен тааныштыруу.

КМОПтун он алты студенти Бишкек шаарындагы академиялык мобилдүүлүк программасына катышышты

Эл аралык билим берүү программалары колледжинин он алты студенти окутуучу Чубак Нишановдун коштоосунда Бишкек музыкалык-педагогикалык колледжинде төрт жумалык академиялык мобилдүүлүк программасына катышышты.

Программа студенттерге башка билим берүү чөйрөсү менен таанышууга, билим жана тажрыйба алмашууга, ошондой эле жаңы окуу тажрыйбасын топтоого мүмкүнчүлүк берди.

КМОПтун окутуучулары билим берүү мекемелери менен кызматташуу маселелерин талкуулашты

2021–2022-окуу жылынын 30-декабрында КМОПтун окутуучулары Рахимбаева Г.А., Жумабаева А.Т., Бекназаров С.М., Нишанов Ч.Б. жана Таир кызы Гүлмайрам Жалал-Абад мамлекеттик университетинин колледжине жана Эл аралык университеттин колледжине иш сапары менен барышты.

Жолугушуулардын жүрүшүндө ректор, профессор К. Г. Кожобеков менен түзүлгөн келишимдердин негизинде билим берүү мекемелеринин ортосундагы кызматташтыкты өнүктүрүү жолдору талкууланды.

КМОПтун он бир студенти академиялык мобилдүүлүк программасынын алкагында Бишкек шаарына жөнөтүлдү

2022-жылдын 28-февралында Эл аралык билим берүү программалары колледжинин он бир студенти академиялык мобилдүүлүк программасынын алкагында Бишкек шаарына окууга жөнөтүлдү.

Чет тилдер бөлүмүнүн алты студенти Таштан Эрматов атындагы Бишкек педагогикалык музыкалык колледжине бир айлык мөөнөткө, ал эми «Котормо иши» бөлүмүнүн беш студенти И. Арабаев атындагы Кыргыз мамлекеттик теологиялык орто колледжине эки жумалык мөөнөткө жөнөтүлдү.

Студенттерди КМОПтун усулчусу Мадина Азимова коштоп барды. Студенттерди узатуу иш-чарасына ОшМУнун проректору, доцент Т. К. Эркебаев катышты.

Таштан Эрматов атындагы Бишкек педагогикалык музыкалык колледжинин студенттери КМОПко келишти

2021-жылдын 1-ноябрынан 10-ноябрына чейин Таштан Эрматов атындагы Бишкек педагогикалык музыкалык колледжинин чет тилдер бөлүмүнүн он эки студенти академиялык мобилдүүлүк программасынын алкагында Эл аралык билим берүү программалары колледжине келишти.

Программа студенттерге башка билим берүү чөйрөсү менен таанышууга, тажрыйба алмашууга жана жаңы досторду табууга мүмкүнчүлүк берди.

КМОПтун он жети студенти Бишкек шаарындагы академиялык мобилдүүлүк программасына катышышты

2021-жылдын 1-ноябрынан 30-ноябрына чейин Эл аралык билим берүү программалары колледжинин чет тилдер бөлүмүнүн он жети студенти академиялык мобилдүүлүк программасынын алкагында Таштан Эрматов атындагы Бишкек педагогикалык музыкалык колледжине окууга жөнөтүлдү.

Студенттер тобун окутуучу Чубак Байшович Нишанов жетектеди. Программанын максаты — студенттердин билимин жогорулатуу, тажрыйба алмашуу жана алардын кесиптик өнүгүүсүнө көмөк көрсөтүү.

Академиялык мобилдүүлүк — жаңы мүмкүнчүлүктөргө жол!

Эл аралык билим берүү программалары колледжи студенттерди Ош мамлекеттик педагогикалык университетинде жана К. Ш. Токтомаматов атындагы Эл аралык университетте академиялык мобилдүүлүк программасына катышууга чакырат.

Программа студенттерге жаңы билим жана тажрыйба топтоого, башка университетте билим алууга, жаңы досторду табууга, маданий алмашууга катышууга жана жеке, кесиптик жактан өнүгүүгө мүмкүнчүлүк берет.

Программанын катышуучуларын алдыңкы өнөктөш университеттерде өзгөчө билим берүү жана маданий тажрыйба күтөт.

Академиялык мобилдүүлүк — жаңы билим берүү чөйрөсү менен таанышып, келечектеги кесиптик карьераңызга маанилүү кадам жасоого болгон мүмкүнчүлүк.

Академиялык мобилдүүлүк: жаңы мүмкүнчүлүктөргө жол (PDF)