2025-жылдын 12-ноябрында Эл аралык билим берүү программаларынын жогорку мектебинде (ВШМОП) 530018 «Европа таануу » жана «Англис тили кошумча котормо жана котормо таануу (АПЛ)» багыттары боюнча жогорку деңгээлдеги стейкхолдерлердин жолугушуусу болуп өттү. Иш-чарага академиялык чөйрөнүн өкүлдөрү, иш берүүчүлөр, бүтүрүүчүлөр жана мамлекеттик түзүмдөр катышты. Катышуучулар эмгек рыногунун учурдагы талаптарын, адистерди даярдоонун сапатын жана билим берүү программаларын өнүктүрүү багыттарын талкуулашты. Жолугушуунун жыйынтыгында багыттардын өнүгүү стратегияларын жаңылоо, эл аралык кызматташтыкты кеңейтүү жана студенттердин практикалык даярдыгын күчөтүү боюнча жумушчу топ түзүү чечими кабыл алынды.