Главная
«Эл аралык мамилелер жана санариптик дипломатия» программасынын эл аралык байланыштары жөнүндө маалымат
«Эл аралык мамилелер жана санариптик дипломатия» программасы университеттин өнүгүүсүнүн артыкчылыктуу багыттарына ылайык жакынкы жана алыскы чет өлкөлөрдүн жогорку окуу жайлары менен өнөктөштүк байланыштарды активдүү өнүктүрүп келет.
Эл аралык ишмердүүлүк Кыргыз Республикасынын колдонуудагы мыйзамдарына, эл аралык-укуктук актыларга, университеттердин уставдарына, ошондой эле чет өлкөлүк билим берүү мекемелери менен түзүлгөн эки тараптуу жана көп тараптуу келишимдерге ылайык жүргүзүлөт жана университеттин дүйнөлүк билим берүү жана илимий коомчулукка толук интеграцияланышына багытталган.
ОшМУнун Эл аралык билим берүү программаларынын жогорку мектебинин артыкчылыктуу багыттарынын бири — илимий жана билим берүү тармактарындагы эл аралык кызматташтык болуп саналат. Эл аралык ишмердүүлүктүн негизги багыттарына чет өлкөлүк жогорку окуу жайлары менен кызматташуу, студенттердин академиялык мобилдүүлүк программаларын иштеп чыгуу, ошондой эле ири эл аралык илимий жана билим берүү долбоорлорун ишке ашыруу кирет.
Жыл сайын студенттер менен окутуучулардын академиялык мобилдүүлүгүн кеңейтүү боюнча иштер жүргүзүлөт. ЭББПЖМ студенттер тандаган кесибин тереңирээк өздөштүрүп, Кыргыз Республикасынын аймагында гана эмес, чет өлкөлөрдө жүргүзүлүп жаткан илимий изилдөөлөрдүн жыйынтыктары менен таанышып, башка өлкөлөрдө кабыл алынган иш стандарттарын өздөштүрүүсү үчүн туруктуу шарттарды түзүп келет.
Мектептин эл аралык байланыштар бөлүмү өз ишмердүүлүгүн заманбап тенденцияларга ылайык жүргүзөт. Эл аралык ишмердүүлүктүн негизги багыттары төмөнкүлөр болуп саналат:
Кореяга иш сапар: Пусан жана Кванджуда академиялык өнөктөштүк кеңейет
2025-жылдын 31-октябрынан 7-ноябрына чейин Россия жана Евразия интеграция бөлүмүнүн башчысы, доцент Д. А. Акматованын жетекчилиги алдында окутуучулар Корея Республикасынын Сеул, Пусан, Кванджу жана башка шаарларына, ошондой эле Йосу аралдарына иш сапар менен барышты. 3-ноябрда Пусан шаарындагы Кенгнамжонгбо университетинин ректору жана маалыматтык технологиялар факультетинин деканы менен, ал эми 5-ноябрда Кванджу университетинин ректору Ким Донг Жин менен жолугушуу өткөрүлдү. Жолугушууларда студенттер менен окутуучулардын академиялык мобилдүүлүгүн мындан ары да күчөтүү, кош диплом программаларын өнүктүрүү жана биргелешкен илимий изилдөөлөрдү жүргүзүү маселелери талкууланды. Ошондой эле ошол жерде академиялык мобилдүүлүк боюнча окуп жаткан студенттер менен жолугушуп, алардын окуусу жана жашоо шарттары менен таанышышты. Мындан тышкары, Кванджу университети Кыргызстандын студенттерин колдоо фондуна 100 миң АКШ доллары бөлүнгөнүн билдирди.
