Жобо колдонулган шартуу кыскартуулар

1. Ош мамлекеттик университетинин – ОшМУ

2. Студент, магистрант – студент

3. Илимий-педагогикалык кызматкер – ИПК

4. Академиялык мобилдүүлүк – АКАДЕММОБ

5. Кыргыз Республикасы – КР

6. Кабыл алуучу окуу жай – КАОЖ

7. Жекече окуу графикти – ЖОГ

8. Жиберүүчү окуу жай – ЖибОЖ

9. Факультеттердин деканаты – ФД

10. Эл аралык байланыштар боюнча координатор – ЭАББК

11. Чет өлкөлүк студент – ЧӨС

12. Окуу-информациялык департаменти – ОИД

Долбоор

Ош мамлекеттик университетинин академиялык

мобилдүүлүк жөнүндөгү жобосу

1. Негизги жоболор

1.1. Бул Жобо Ош мамлекеттик университетинин (мындан ары – ОшМУ) студенттеринин, магистранттардын (мындан ары - студенттердин) жана илимий-педагогикалык кызматкерлеринин (мындан ары – ИПК), ошондой эле ОшМУга келүүчү чет өлкөлүк студенттердин жана ИПКнын академиялык мобилдүүлүгүн (мындан ары – АКАДЕММОБ) жүргүзүүнүн негиздерин, тартибин жана шарттарын регламенттейт. Ошондой эле АКАДЕММОБду уюштуруунун маалыматтык, методикалык жана финансылык жактан камсыздалышы жөнүндөгү маалыматтарды камтыйт.

1.2. Бул жобо Кыргыз Республикасынын (мындан ары – КР) 2003-жылдагы билим берүү жөнүндөгү мыйзамдарына, окуу жайдын Уставына жана “Окуу процессин окутуунун кредиттик технологияларынын (ECTS) негизинде уюштуруу жөнүндө жобосу” №18-бюллетенине ылайык иштелип чыкты. Ал чет өлкөлүк жана ата мекендик өнөктөш билим берүү мекемелери менен түзүлгөн келишимдердин жана меморандумдардын алкагында эл аралык кызматташтыкты жана АКАДЕММОБду ишке ашырууну көздөйт.

1.4.Академиялык мобилдүүлүк – бул студенттердин же ИПКнын билим алуу, иш сапарда болуу, илимий-изилдөө иштерин жүргүзүү, квалификациясын жогорулатуу жана симпозиум, семинар, форум, конференция ж.б. катышуу үчүн белгилүү бир академиялык мезгилге: 3 күн, 1 жума, 1 ай, 1 семестр, 1 жыл башка жогорку окуу жайына (мындан ары - ЖОЖ) (өлкөнүн ичиндеги же чет өлкөдөгү) орун которуусу. Студенттердин АКАДЕММОБун жүргүзүүнүн базалык мөөнөтү бир семестрди же академиялык жылды түзөт. Мөөнөтү аяктаган соң студенттер жана ИПК кайра өз окуу жайына кайтышат.

1.4.1. Бул Жобо студенттердин АКАДЕММОБун студенттердин ОшМУдан тышкары билим алуусу катары аныктап, башка окуу жайда топтогон кредиттерин ОшМУда таанууну шарттайт.

1.4.2. АКАДЕММОБдун формалары. ОшМУда АКАДЕММОБдун эки түрү жүргүзүлөт: сырткы (эл аралык) жана ички (улуттук). АКАДЕММОБдун дистанттык (он-лайн, виртуалдык, электрондук ж.б.) формада ишке ашыруу перспективалык пландарда бар.

1.4.3. Сырткы (эл аралык) академиялык мобилдүүлүк – студенттердин жана ИПКнын белгиленген мөөнөттө чет өлкөлүк окуу жайларда, илимий мекемелерде билим алып, илимий иш жүргүзүп, иш сапарда болуп, практика өтөп, конок лекцияларды окуп, тренингдерди өткөрүп, конференция, семинар, форум ж.б. катышып, тажрыйба алмашып келүүсү. Ошол эле учурда сырткы окуу жайлардан жогоруда белгиленген максаттарда ОшМУга келген студенттердин жана ИПКнын сапарлары сырткы (эл аралык) АКАДЕММОБ болуп саналат.

1.4.4. Ички (улуттук) академиялык мобилдүүлүк ОшМУнун КРдин ЖОЖдору менен түзгөн эки тараптуу кызматташуу келишимдеринин жана “Ош декларациясынын” негизинде студенттердин жана ИПКнын ата мекендик окуу жайларда, билим алып, илимий иш жүргүзүп, практика өтөп, тажрыйба алмашып келүүсү. Ал эми улуттук окуу жайлардын студенттеринин жана окутуучуларынын ОшМУда окуп, тажрыйба алмашышы дагы ички академиялык мобилдүүлүктүн алкагында уюштурулат.

1.4.5. Башка ЖОЖдо билим алуунун, тажрыйба алмашуунун узактыгына жана кыскалыгына жараша студенттердин АКАДЕММОБу узак жана кыска мөөнөттүү болуп бөлүнөт. Кыска мөөнөттүү мобилдүүлүк – бул студенттердин башка билим берүү мекемесинде 3 айдан көп эмес мезгил окушу, ошондой эле кыска убакыттын ичинде (1 жумага чейин, 1 жума, 1 ай ж.б.) конференцияларга, семинарларга, форумдарга, симпозиумдарга, жайкы/кышкы мектептерге ж.б. катышышы. Бул учурда студенттерге топтогон кредиттери көрсөтүлгөн документтердин берилүүсү шарт эмес, окулган дисциплиналардын сааттары белгиленген маалым каттын жана иш-чарага катышуусу көрсөтүлгөн сертификаттардын ыйгарылуусу жетиштүү. Ал эми узак мөөнөттүү мобилдүүлүк студенттер үч айдан көп мезгил аралыгында башка окуу жайда билим алуусун билдирет. Ал өздөштүрүлгөн дисциплиналар боюнча топтолгон кредиттер түшүрүлгөн ведомосттун жана окугандыгын тастыктоочу сертификаттын болуусун талап кылат.

1.4.6. Узак мөөнөттүү, анын ичинде студенттин жеке демилгеси менен уюштурулуучу мобилдүүлүктүн зарыл шарты катары кабыл алуучу окуу жайга (мындан ары - КАОЖ) өздөштүрүүгө тийиштүү болгон бардык дисциплиналарды камтыган жекече окуу графикти (мындан ары – ЖОГ) түзүү саналат. Бул милдеттүү тиркеме болуп саналат.

1.4.7. Эгерде студент башка окуу жайда өздөштүрүүнү пландаган дисциплиналардын бирөөсүн дагы ЖОГдо камтылбаса, анда АКАДЕММОБду уюштуруунун мындай учурларын бул Жобо карабайт. Мындай учурда студент башка окуу жайда окуган мезгилде академиялык эргүү алуу мүмкүнчүлүгүнөн пайдалана алат.

1.4.8. Маалымат пакети – бул мамлекеттик, расмий жана англис тилдериндеги курстардын каталогу. Маалыматтык пакет ЖОЖдун ишмердүүлүгүнүн академиялык, уюштуруучу-методикалык, илимий ж.б. маанилүү сфераларын мүнөздөйт жана кошумча маалыматтарды (спорттук-маданий иш чаралар, материалдык-техникалык) өзүнө камтыйт.

1.5. ИПКнын сырткы жана ички АКАДЕММОБу жана иш сапарлары декандын (директордун) макулдугу менен белгилүү бир мөөнөткө кызматтык тапшырмаларды аткаруу, илимий изилдөө жүргүзүү, иш сапарда болуу ж.б. үчүн командировкага жиберүү, ал эми студенттердики окуу жүктөмдөрүн аткаруу үчүн ректордун (проректордун) буйругуна ылайык жүргүзүлөт. Муну менен катар алардын АКАДЕММОБу КРдин Эмгек Кодексине, “Жогорку билим берүү” жөнүндөгү мыйзамдарына, Билим берүү жана илим министринин нормативдик документтерине жана ОшМУнун Уставына карама-каршы келбөөсү зарыл.

1.6. Ал эми чет өлкөлүк студенттердин жана окутуучулардын АКАДЕММОБу “Кыргыз Республикасынын аймагына кирүү жана Кыргыз Республикасынын аймагынан чыгуу тартиптери” жөнүндөгү мыйзамдардын талаптарына, миграциялык кызматтын эрежелерине ылайык камсыздалат.

1.7. Бул Жобо жана ага карата толуктоолор ОшМУнун Окумуштуулар кеңешинин чечиминин негизинде ректордун буйругу менен бекитилет.

2. АКАДЕММОБдун максаты жана милдеттери

2.1.ОшМУнун эл аралык илимий-билим берүү мейкиндигине интерграцияланышына жол ачып, билим берүүнүн сапатын жана илимий изилдөөлөрдүн эффективдүүлүгүн жогорулатуу, ички жана сырткы интеграциялык байланыштарды күчөтүү, студенттерди даярдоонун жана андан кийинки жумушка орношуусунун сапатын көтөрүү, эл аралык эмгек рыногунда студенттердин атаандаштыка жөндөмдүүлүгүн камсыздоо ж.б. АКАДЕММОБдун максаты болуп саналат.

2.2. АКАДЕММОБ программаларын даярдоо жана ишке ашыруу төмөнкү милдеттерди алдына коет:

- АКАДЕММОБ жүргүзүү үчүн чет өлкөлүк жана ата мекендик окуу жайлар менен эки тараптуу кызматташуу келишимдерин түзүү;

- АКАДЕММОБ уюштуруучу фонддор, программалар, гранттар боюнча маалымат базасын түптөө;

- АКАДЕММОБ программаларын иштеп чыгуу (жайкы/кышкы мектептерди, форумдарды, конференцияларды ж.б. уюштуруу);

- студенттерди жана окутуучуларды өнөктөш окуу жайларга жиберип, алардан келген өкүлдөрдү кабыл алып, окуу процессин уюштуруп берүү.

3. АКАДЕММОБду жүргүзүүнүн негиздери

3.1. Студенттердин жана ИПКнын төмөндө аталган формалардын бири боюнча ишке ашуучу АКАДЕММОБу КРдин Эмгек Кодексине, Билим жөнүндөгү мыйзамга, КРдин Билим берүү жана илим министрлигинин нормативдик документтерине, ОшМУнун уставына жана бул Жобого каршы келбөөсү керек.

3.2. ОшМУдагы студенттердин жана ИПКнын АКАДЕММОБу төмөнкү формаларда жүргүзүлөт:

- Мамлекеттер аралык келишимдерге, жиберүүчү окуу жай (мындан ары – ЖибОЖ) түзгөн келишимдерге, контракттарга, гранттарга, долбоорлорго, университет мүчө болгон ассоцициялардын, консорциумдардын чакыруусуна ылайык;

- КРдин Билим берүү жана илим министрлигинин, Эразмуз+, Мевлана, ДААД, ITEC, УШОС, Орхун, Ош декларациясы ж.б. студенттик алмашуу жана биргелешкен билим берүү жана кош дипломдуулук программаларынын алкагында;

- стажировкадан, такшалмадан жана илимий, өндүрүштүк практикадан (ошонун ичинде тил курстарынан) өтүү, конок лекцияларды окуу, тренинг-сабактарды, мастер-класстарды өткөрүү, илимий изилдөө жүргүзүү, долбоорлордун семинарларына, эл аралык конференцияларга, квалификациясын жогорулатуу программаларына, жайкы жана кышкы мектептерге, лагерлерге, форумдарга ж.б. катышуу үчүн башка ЖОЖдордон, илимий жана коомдук уюмдардан, конференциялардын уюштуруу комитеттеринен келип түшкөн жекече чакыруу каттарынын негизинде;

- студенттин жана ИПКнын башка билим берүү мекемелерине орун которуулары жана сапарлары алардын жекече демилгелери боюнча.

3.3. ОшМУнун бардык студенттери, студенттердин жана ИПКсы чет өлкөлүк (ата мекендик) окуу жайларга АКАДЕММОБ боюнча чыгып келүү укугуна ээ. Алардын АКАДЕММОБун ишке ашыруунун жана камсыздоонун жалпы эрежелери, максаттары жана милдеттери Болон декларациясынын негизги принциптерине дал келет.

3.4. ЖОЖдор ортосундагы алмашуулардын алкагында жүргүзүлгөн окуунун натыйжаларын таануу билим берүүнүн европа кредиттик системасына (ECTS) таянылат.

3.5. Факультеттердин деканаттары, эл аралык байланыштар боюнча координаторлор (мындан ары – ФД жана ЭАББК). Алар АКАДЕММОБдун билим берүү программаларынын мазмундук бөлүгүн иштеп чыгышат.

3.6. Өнөктөш-окуу жайда болуу мөөнөтү аяктаган соң студент – АКАДЕММОБ программаларынын катышуучулары өз факультеттерине (коллеждерине, институттарына, бөлүмдөргө ж.б.), баалар кредиттик система боюнча көрсөтүлгөн жекече ведомосттор, транскрипт, сертификат, окугандыгын күбөлөндүргөн маалым кат сыяктуу документтерди алып келишет. Ал эми ИПК иш сапардан кайтып келгенден кийин аткарган жумуштары, алган тажрыйбалары боюнча презентация жасап, кызматташуунун андан аркы перспективалык пландарын түзөт. Эл аралык байланыштар департаментине иш сапары туурасында кыскача отчет берет.

4. Академиялык мобилдүүлүктүн уюштурулушу

4.1. Ректор менен окуу иштери боюнча проректор АКАДЕММОБ жргүзүүгө жетекчилик кылат жана ага студенттер, ИПК, факультет же башка окуу структурасы, эл аралык байланыштар департаменти жана академиялык мобилдүүлүк бөлүмү катышат. Эл аралык байланыштар департаменти жалпысынан ОшМУнун студентин жана ИПКсын АКАДЕММОБдун катышуучусу катары КАОЖго жиберүү жана аларды маалыматтык жактан камсыздоо боюнча жумуштарды координациялайт.

4.2. АКАДЕММОБдун катышуучусу катары билим алуу үчүн студентти башка окуу жайга жиберүү маселесин кароо, студенттин декандын атына жазган жекече арызы аркылуу ишке ашат.

4.3. Башка билим берүү жана илимий мекемелердин расмий чакыруу каты АКАДЕММОБду ишке ашырууга негиз болот.

4.4. Студенттердин жекече АКАДЕММОБу эрежеге ылайык өз окуу жайындагы окуунун нормативдик мөөнөтүн узартууга алып барбайт.

4.5. Студент КАОЖдо өздөштүргөн дисциплиналар өз окуу жайынын билим берүү программасынын учурда жана келечекте окулуучу дисциплиналардын катарына киргизилет, ошондой эле дипломунун тиркемесиндеги тандоо курстары жана факультативдер менен алмашыла алат.

4.6. Студенттер КАОЖдон өздөштүрүп келген дисциплиналарды жана топтогон кредиттерди жана бааларды анализдөө үчүн ЖибОЖдун факультетинде аттестациялык комиссия түзүлөт. Ал студенттин транскрипттинде же сертификатында көрсөтүлгөн кредиттерин жана бааларын чегерүү боюнча чечимдерди кабыл алат.

4.7. Эгерде тийиштүү документте баллдар 100 балдык шкала боюнча так көрсөтүлбөсө, факультеттин аттестациялык комиссиясы сертификаттагы баалардын дал келишин ЖибОЖдо кабыл алынган шкала боюнча аныктайт. Баалар дифференцацияланып саналбаган учурда, студент тапшырды деп эсептелинет. Аттестациялык комиссиянын аргументтүү чечиминин негизинде студенттин АКАДЕММОБдо жүргөн мезгилде алган бааларын тапшырды деп эстөөгө деканат баш тартышы мүмкүн.

4.8. Тапшырды деп эсептелген предметтер жөнүндөгү маалыматтарды ЖибОЖнын AVN системасына, зачеттук китепчеге, дипломдун тиркемесине киргизүү факультеттеги мындай документацияны киргизүүгө жооптуулар тарабынан аткарылат.

4.7. АКАДЕММОБдон өтүүсү үчүн студент же ИПК мамлекеттик, аймактык же жергиликтүү администрация, ЖибОЖ же КАОЖдор, уюмдар, ишканалар ж.б. сунуштаган бардык стипендияларды же жардамдарды ала алышат.

4.8. Кафедралар профессордук-окутуучулук курамдын штаттык жадыбалын даярдоодо жана педагогикалык окуу жүктөмдөрүн бөлүштүрүү учурунда АКАДЕММОБ программасы боюнча башка окуу жайда жүргөн студенттердин контингентин эске алуусу керек.

4.8. Бул Жобого ылайык, студенттик АКАДЕММОБду тийиштүү квалификацияны алуу үчүн академиялык жактан таануу ЖибОЖнын жалпы окуу жүктөмүнүн 20 пайызынан ашпоосу керек.

4.9. АКАДЕММОБ боюнча чет элдик сапарга чыгууда жана ошондой эле чет элдик сапардан кайтып келүүдө туура эмес маалыматтарды бербөөгө жана документтерди бурмалабоого кафедра башчысы, ФД, ЭАББК жана студент жооптуу.

4.10. Студенттердин жана ИПКнын АКАДЕММОБго катышуусун уюштуруу иштери структуралар ортосунда төмөнкүдөй бөлүштүрүлөт:

АКАДЕММОБ бөлүмү төмөнкүлөрдү аткарат:

- академиялык мобилдүүлүктүн алкагында конкреттүү жумуштарды аткаруу үчүн ОшМУнун башка структуралык түзүмдөрү менен ич ара тыгыз иштешет;

- ЖибОЖдун студенттери менен ИПКсын АКАДЕММОБдун программалары, мүмкүнчүлүктөр жөнүндө маалыматтар менен камсыздап, процессти уюштуруу, анын каражат жактан камсыздалышы ж.б. маселелер боюнча консультацияларды берет;

- өнөктөш ЖОЖдор менен байланышка чыгып, алар менен алдын ала сүйлөшүүлөрдү өткөрүп, уюштуруу маселелерин чечет жана мобилдүүлүктүн түрлөрүн камсыздоо боюнча жумуштарды жетектейт;

- окуунун белгилүү мөөнөтүндө АКАДЕММОБго катышуучуларга бөлүнүүчү квоталарды аныкташ, процессти жүргүзүү үчүн кабыл алуучу тарап кат менен кайрылат;

- студенттерди кабыл алуучу тараптын тастыктамасын алат;

- гранттык, стипендиялык программаларга студенттерди тандап алуу үчүн ректордун буйругу менен компетенттүү комиссия түзүлүп, конкурсту эл аралык байланыштар департаменти ачык процедуранын чегинде мүмкүнчүлүктөрдү бирдей кароо принциптерине таянып уюштурат. Студенттерди тандоо боюнча маалымат күн мурун жарыяланып, департаменттин сайтына илинет;

- конкурс (интервью, тестирлөө, сынак алуу) ачык-айкын жүргүзүлөт, студенттердин академиялык катышуу-жетишүүсү (GPA 3төн жогору болуусу зарыл), университеттин жана факультеттин коомдук иштерге катышуусу, кабыл алуучу окуй жай талап кылган тилди билүүсү жана мотивациялык каттардын, резюмелердин мазмундуулугу эске алынат.

- ЖибОЖдун студенти менен КАОЖдын ортосунда окуу жөнүндөгү макулдашууну (Learning agreement – 8-тиркеме) түзүү жана ага кол коюу процесстерин уюштурат;

- декандын билдирүүсүнүн негизинде студенттердин сыртка чыгуу мүмкүнчүлүктөрүн тактагандан кийин кабыл алуучу тарапка кат жолдоп, алардан тийиштүү окуу пландарын жана чакыруу катын алып берет.

- кабыл алуучу ЖОЖдорго жолдомо катын жибергенге чейин өтүнмө берген студенттердин сыртка чыгуу мүмкүнчүлүктөрүн дагы бир жолу тактайт. Катталып коюп, бирок кийин баруудан баш тарткан студенттерди тизмеден чыгарып коет;

- чет өлкөлүк өнөктөш-окуу жайларынан академиялык мобилдүүлүк программасына катышып жаткан студент жөнүндө маалыматты оозеки же жазуу жүзүндө, алардын окуусунун натыйжаларын камтыган расмий документтерди ала алат. Зарыл учурларда бул кагаздарды орус же кыргыз тилдерине которуп берүүгө көмөктөшөт.

- деканаттар менен биргеликте чет өлкөлүк окуу жайларда болуп келген окутуучулардан презентация жасоону талап кылып, алардын иш сапарынын эффективдүүлүгүн баалайт.

- академиялык мобилдүүлүктөн өтүп келген студенттерден жана ИПКдан интервью алып, аны департаменттин сайтына жана социалдык тармактарга жайгаштырат. Мындан тышкары, студенттердин мобилдүүлүк жөнүндө жазып берген эң мыкты эсселери камтылган “ОшМУда кыялдарым орундалды” аталышындагы жыйнакты басмадан чыгарып турат.

ФД төмөнкүлөрдү аткарат:

- программага катышууну каалаган студенттерди конкурстук негизде тандап алган соң (студенттерди тандоодо алардын окуудагы катышуу-жетишүүсүнө (GPA 3төн жогору болуусу зарыл) жана тил билүү деңгээлине өзгөчө көңүл бурулат, атайын тил курстарын аяктаган, сертификаттары барлар артыкчылыктарга ээ болушат), факультеттин деканы ректорго студенттин дистанттык технологияны колдонуу менен КАОЖго АКАДЕММОБго жөнөтүү боюнча билдирүү менен кайрылат (1-тиркеме). Билдирүүгө студент үчүн факультетте ЖОГ (2-тиркеме) жана кабыл алуучу тараптын чакыруусу тиркелет.

- КАОЖдын расмий чакыруу каты алынган соң, тийиштүү окуу планды КАОЖнын кызматкерлери менен байланышып же сайттан таап алып, ички окуу план менен салшытырып, зарыл болгон учурда кафедра башчылар менен биргеликте студенттин ЖОГун ийкемдүүлүк менен оптималдуу түзүп, ага берет. ЖОГду түзүүдө ЖибОЖдо учурда иштеп жаткан окуу планынын дисциплиналарынын бир бөлүгү КАОЖдо окула турган дисциплиналар менен алмашылат;

- АКАДЕММОБго катышкан студент КАОЖдо 2ден көп канааттандыралык эмес баа алып калса, кайра келгенден кийин ЖибОЖдо белгиленген тартипте окуудан четтетет;

- Эгерде КАОЖдо 1 же 2 канааттандыралык эмес баа алып калса, жана бул карызын ал жакта жоюу мүмкүнчүлүгү жок болсо, кошумча (жайкы) семестрде акы төлөөнүн негизинде академиялык карызын өздөштүрүп, жоюусу зарыл;

- ЖОГ ЖибОЖнын тийиштүү багытынын (адистигинин) Мамлекеттик билим берүү стандартында каралган бардык милдеттүү дисциплиналарын камтуусу зарыл; факультативдик жана тандоо курстарын КАОЖдын дисциплиналары менен алмаштырат;

- дистанттык технологияны пайдалануу аркылуу айырма чыккан предметтерден сабак өтүүчү окутуучулар семестр ичинде сапардагы студенттер менен үзгүлтүксүз on-line режиминде ОшМУнун AVN информациялык системасы (http://avn.oshsu.kg) аркылуу байланышта болуп, окуу жараянын окуу-методикалык материалдар менен камсыздап, учурдагы жана аралык текшерүүлөрдү өз учурунда алып, жыйынтык баллдарын ведомостко киргизип туруусун көзөмөлдөйт.

- студенттерге айырма чыккан предметтерди дистанттык технологияны пайдаланып өздөштүрүүсүн, алар боюнча модулдарды тапшыруу регламентин иштеп чыгып, окуу процессин уюштуруп берүүнү өз мойнуна алат (ЭАББК менен биргеликте);

- студент кабыл алган ЖОЖдо топтоп келген кредиттерди жана окуган дисциплиналарды тийиштүү адистиктин жумушчу окуу планындагы кредиттерге жана дисциплиналардын мазмунуна, көлөмүнө жана саатына дал келишин салыштырып, кредиттерди таануу жана өздөштүргөн предметтерин тапшырды деп эсептеп, “Академиялык таануу жөнүндөгү актыны” дарядоо сыяктуу практикалык маселелерди чечет;

- эгерде көпчүлүк дисциплиналар дал келбей, студент өз адистигинин жумушчу окуу планда белгиленбеген предметтерди окуп келсе, анда алар ЖОЖ компоненти жана тандоо курстары катары кабылдайт. Муну менен бирге айырма чыккан дисциплиналардын саны 6дан ашык болбоосу зарыл

- академиялык айырмаларды студент кайтып келгенден кийин биринчи семестр боюнча 30-мартка, ал эми экинчи семестрди 15-октябрга чейин белгиленген жекече графиктин негизинде кошумча акы төлөтбөстөн, окуп тапшырууга шарт түзүп берет.

- мобилдүүлүк боюнча кабыл алынган студенттерди ОшМУнун AVN информациялык порталына киргизет.

ЭАББК төмөнкүлөрдү аткарат:

- АКАДЕММОБ программасы боюнча билим алуу мүмкүнчүлүктөрү жөнүндө студенттердин арасында кеңири маалымат берүү жана түшүндүрүү (агартуучу) иштерин жүргүзөт (айына бир жолудан кем эмес), маалыматтарды окуу жайдын веб-сайтына жайгаштырат, “Нур” гезити, “Үмүт” телевидениеси аркылуу маалымдап турат;

- факультеттин Маалымат пакетин мамлекеттик, англис жана орус тилдеринде иштеп чыгат;

- гранттык негизде АКАДЕММОБ программасына катышуу үчүн талапкерлердин арасында конкурстук тандоону уюштурат жана комиссия түзүүгө катышат;

- эгерде студент чет өлкөлүк окуу жайларга барууга талапкер болуп жатса, алар тил билүү деңгээлин текшерүү үчүн тестирлөө өткөрөт же барлашуу, мини экзамен уюштурат (айрыкча орус, англис, кытай тилдери боюнча);

- чакыруу катын алгандан кийин кетүүчү студенттер менен багыттоочу иш-чараларды өткөрүп, аларга инструктаж берет;

- студенти менен КАОЖдын ортосунда окуу жөнүндөгү макулдашууну түзүүгө кактышат;

-бүтүрүүчү кафедранын башчысы менен биргеликте окула турган дисциплиналардын тизмегин аныктайт жана КАОЖдын окуу пландарынын негизинде студенттин ЖОГун ийкемдүүлүк менен оптималдуу түзүүгө катышат;

- ФД жана кафедра башчылары жардамында тиешелүү дисциплина боюнча сабак берген окутуучулар менен биргеликте студенттердин КАОЖдо окуп, өздөштүрүп келген дисциплиналарын, топтогон кредиттерин жана алган бааларын таануу (перезачет, эсепке алууну) иштерин жүзөгө катышат;

- КАОЖдун чакыруу катынын жана түзүлгөн жекече окуу пландардын негизинде студенттерге буйруктардын (жиберилген жана кайтып келген учурда) өз убагында чыгарылышын камсыздашат;

- кафедралар менен биргеликте сапарда жүргөн студенттер менен үзгүлтүксүз байланышта болуп, аларга академиялык консультацияларды берип, алардын окуу процессине мониторинг жүргүзүп турат (АКАДЕММОБ бөлүмү жана ФД менен биргеликте);

- чет элдик жогорку окуу жайдын өкүлдөрү менен студенттин жетишүүсү, жашоо шарттары жана жекече окуу планын ишке ашыруу ж.б. маселелери боюнча туруктуу кат-алышууну жүзөгө ашырат;

- АКАДЕММОБ программаларын факультетте ишке ашыруу боюнча уюштуруунун сапаты үчүн жооптуу;

- факультетте АКАДЕММОБдун аткарылышы жөнүндө отчетту АКАДЕММОБ бөлүмүнө даярдап тапшырат.

КАОЖ төмөнкүлөрдү аткарат:

- АКАДЕММОБ боюнча кабыл алынган студенттерге маалыматтык-моралдык колдоо көрсөтүү үчүн кураторлордун арасынан атайын координаторлорду дайындайт. Алар мобилдүү студенттердин кабыл алган окуу жай менен таанышып, адаптацияланышына жардам беришет;

- студенттерге алардын окуу пландарында жок айрым предметтерди жекече окутуу мүмкүнчүлүктөрүн караштырат же кээ бир предметтерди дистанттык технологияны пайдаланып окутуу жана модулдарды кабыл алууга уруксат берет;

- жиберген окуу жайдын студенттерин тийиштүү тайпаларга киргизип, өздөрүнүн студенттери менен биргеликте окутат жана ички эрежелерине ылайык айрым жеңилдиктерди түзүп берет. Мобилдүүлүк боюнча келген студенттер үчүн атайын группалар түзүлбөйт;

- окуунун жыйынтыгы боюнча ар бир студентке өтүлгөн дисциплиналардын тизмеси, алар боюнча алынган баалар көрсөтүлгөн жеке ведомостторду, транскрипттерди, академиялык маалым каттарды жана сертификаттарды берет;

- эки тараптуу кызматташтык келишимине ылайык, кабыл алган студенттерге академиялык мобилдүүлүк уюштургандыгы үчүн акы албайт;

ЖибОЖ төмөнкүлөрдү аткарат:

- сырттан мобилдүүлүктөн өтүп келген студенттердин мамлекеттик стандартта жок предметтер боюнча топтогон кредиттерин жиберген окуу жай ЖОЖ компоненттери жана тандоо курстары катары тааныйт;

- бюджеттик негизде окуган студенттер академиялык мобилдүүлүктө жүргөн мезгилде алардын стипендияларын толугу менент сактап берет;

- КАОЖдо окулган курстарды жана топтолгон кредиттерди ЖибОЖ жана анын тийиштүү түзүмдөрү тааныйт жана тапшырылды деп эсептейт;

- эгерде ИПК өз демилгеси менен башка ЖОЖдорго же уюмдарга иш сапарга барса, ага документтерин даярдоого көмөктөшөт жана аны өз эсебинен каржылануучу өргүүгө сунуштайт;

- студенттердин жана ИПКнын КАОЖго баруусун тийиштүү буйрукту чыгаруу менен жокко чыгарат.

Студент төмөнкүлөрдү аткарат:

- АКАДЕММОБ катышуу үчүн өз окуу жайы келишим түзгөн каалаган билим берүү же илимий мекемени, өз алдынча тандап, окуучу дисциплиналарынын тизмесин аныктап, андан аркы уюштуруу маселелерин чечүү үчүн АКАДЕММОБ бөлүмүнө же факультеттеги ЭАББКга билдирме же арыз бере алат. Билдирмеде сыртка чыгуу максаты, тандаган окуу жайы, курсу, окутуунун тили, адистиги, болжолдонгон каржылоо булагы ж.б. көрсөтүлөт;

- керектүү документтерди (ЖОГ (дистанттык технология менен окутулуучу дисциплиналардын тизмесин дагы өзүнө камтууга тийиш), ата-энесинин макулдук каты (гарант-кат (6-тиркеме)), транскрипт, анкета (5-тиркеме), жарандыгын аныктаган документтин көчүрмөсүн ж.б.), зарыл болгон учурда чет тилдерди билүүсүн күбөлөндүрүүчү документти (сертификат) АКАДЕММОБ бөлүмүнө алып келип тапшырат;

- АКАДЕММОБ ишке ашыруу үчүн ЖОГду кафедра башчысы, ЭАББК макулдашкан соң деканга бекиттирип, АКАДЕММОБ бөлүмү берет;

- жогоруда көрсөтүлгөн процедуралар аткарылгандан кийин гана КАОЖго баруу мүмкүнчүлүгүнө ээ болот;

- КАОЖдо же илимий мекемеде, алардын эрежелерине ылайык кабыл алуунун административдик процедураларынан өтүшөт жана алардын эрежелерин сактап, тартибине баш ийет;

- АКАДЕММОБ боюнча КАОЖго барган соң, кеңеш алуу үчүн атайын дайындалган координаторго жолугуп, бул жерде окуй турган дисциплиналар менен өз окуу жайындагы окуу пландын предметеринин дал келүүсүн, айырма чыккан сабактарды көрсөтүп берет жана талап кылынган документтерди тапшырат;

- кабыл алуучу ЖОЖдор окуу пландары алынбай калган учурда студенттер өздөрү барып, окулуучу дисциплиналардын тизмегин аныктап, декандын орун басарына, ЭАББКга жана кафедра башчыларына байланышка чыгып, ЖОГду түзөт. КАОЖдо окуу процесси башталгандыгына 3 жумадан кеч эмес мезгилде бекитилген ЖОГду өзгөртүү боюнча өз факультетинин деканына арыз менен кайрыла алат;

- ЖОГунда көрсөтүлгөн дисциплиналарды өздөштүрүүгө милдеттүү, ошол эле учурда ЖибОЖдо кээ бир дисциплиналарды дистанттык окутуу технологиялары: AVN системасынын, Zoom, Google класс тиркемесинин мүмкүнчүлүктөрү аркылуу он-лайн билим алуу укугуна ээ. ДОТту колдонуу менен билим берүүдө дистанттык окутуу жараянын уюштуруу үчүн ЭАББК жооптуу;

- КАОЖдо АКАДЕММОБдун мөөнөтү аяктаган соң бир айдын ичинде өздөштүргөн дисциплиналардын жана башка сабактардын аталыштары, топтогон кредиттери, алган баалары камтылган ведомостторду, транскрипттерди, академиялык маалым каттарды жана сертификаттарды деканатка алып келип берип, отчет тапшырат;

- КАОЖдогу АКАДЕММОБдун жыйынтыктарын эсепке алуусу үчүн факультеттин деканынын атына өзүнүн окуу планына дисциплиналарды (айрым учурларда факультатив жана тандоо курстары катары) коштуруу жана топтогон кредиттерин жана алган бааларын тапшырды деп эсептөө жөнүндө арыз жазат. Арызга алып келген ведомостун, транскриптин жана сертификатын тиркейт;

- контракттык негизде окуп жаткан студент адаттагыдай эле келишимдик акыны өзүнүн окуу жайына толугу менен төлөп, КАОЖдо бекер билим алып келет. Контракттык төлөмдөн карызы бар студенттер алмашуу программаларына катыша алышпайт. Ал эми бюджеттик негизде окуган студент КАОЖго АКАДЕММОБ үчүн акы төлөбөйт (айрым окуу жайларды кошпогондо);

- академиялык мобилдүүлүктөн өтүп келгенден кийин АКАДЕММОБ бөлүмүнө келип сырттан алган таасирлери, топтогон тажрыйбалары туурасына ой бөлүшүп, сапары боюнча отчет берип (4-тиркеме), башка студенттерге мотивация болуучу интервьюларды берет.

- академиялык мобилдүүлүктөн кайтып келгенден кийин ЖибОЖдогу дисциплиналарын ийгиликтүү жаап алса, анда кезектеги семестрде кайрадан мобилдүүлүккө катышууга укугу бар.

- Студенттердин алмашуу программаларына катышуу тартиби төмөнкүдөй:

Бакалавриат боюнча:

1) 1-курстун студенттери экинчи семестрден баштап, ички окуу жайларга (чет өлкөлүк окуу жайларга эмес) чыгарылат.

2) 2 курстун биринчи семестринен 7 семестрге чейин мобилдүүлүккө катышууга болот. Ал эми 8 семестрде сырткы окуу жайларга чыгууга мүмкүнчүлүк жок.

Магистратура боюнча:

3) академиялык мобилдүүлүк 2-3-семестрлерде жүргүзүлөт.

Жогоруда көрсөтүлгөн чектөөлөр 1 семестрдик мөөнөткө карата көрсөтүлдү. Алар кыска мөөнөттүү алмашууларга тиешелүү эмес.

Коллеждин студенттери 2-5-семестр аралыгында өлкөнүн ичиндеги гана окуу жайларга жиберилет:

ИПК төмөнкүлөрдү аткарат:

- Илимий-изилдөө боюнча тажрыйба алмашып, стажировкадан өтүп келүү, конок лекция окуу, квалификациясын жогорулатуу жана эл аралык конференцияларга, тренингдерге, семинарларга, жайкы/кышкы мектептерге ж.б. катышуу максатында чет өлкөгө жана өлкө ичинде иш сапарга жиберилүүсү ректордун буйругунун негизинде жүргүзүлөт. Бул үчүн АКАДЕММОБ бөлүмүнө төмөнкү документтерди алып келет:

- өз колу менен ректордун атына жазылган арызы;

- чакыруунун көчүрмөсү;

- анкета-билдирүү, мында катышуучунун аты-жөнү, бара турган жери, сапардын мөөнөтү жана узактыгы, максаты, милдети, каржылануусу, негизделиши ж.б. маалыматтар камтылат (7-тиркеме);

- чет өлкөгө сапарга чыгуу мезгилинде сабактарын алмаштырып туруу жөнүндөгү кафедра башчынын маалыматы жана декандын макулдугу;

- окутуучунун жана кызматкерлердин арызы төмөнкүдөй тартипте макулдашылат:

- кафедра башчысы;

- факультеттин деканы;

- ОИД;

- долбоордун жетекчиси (эгер сапар илимий долбоордун алкагында каржыланса);

- илимий иштер боюнча проректор;

- АКАДЕММОБ бөлүмү.

- КАОЖдо же илимий мекемеде, алардын эрежелерине ылайык кабыл алуунун административдик процедураларынан өтүшөт жана алардын эрежелерин сактап, тартибине баш ийет;

- чет өлкөгө же өлкө ичинде болгон сапарын өтөп келгенден кийин 5 (беш) жумушчу күндүн ичинде бухгалтерияга иш жүзүндө тарткан акчалай чыгашалар боюнча алдын ала отчет берет (эгер сапар университет тарабынан каржыланса);

- сапардан кайтып келгенден кийин 5 жумушчу күндүн ичинде бухгалтерияга иш жүзүндө тарткан акчалай чыгашалары боюнча алдын ала отчет берет (эгер сапар университет тарабынан каржыланса), мындан сырткары сапардын жыйынтыгы боюнча отчетту кафедраларда талкуулап, факультетте презентациялагандан кийин бир жумалык мөөнөттүн ичинде бекитилген формага ылайык (6-тиркеме) АКАДЕММОБ бөлүмүнө тапшыруусу зарыл;

- кыска мөөнөттүү жана жыйынтыгы ЖОЖдун рейтингдик системасына таасирин тийгизген сапарлардан сырткары учурларда өз демилгеси менен башка ЖОЖдорго же уюмдарга жеке иш сапары менен чыга алат. Мындай учурда сапар чыгымдары чакыруучу тараптын, демөөрчүлөрдүн жана жеке өзүнүн каражаттарынын эсебинен төлөнөт;

- чет өлкөлөрдөгү жана өлкөнүн ичиндеги сапарларга жогорудагы көрсөтүлгөн тиешелүү документтерди даярдабай чыгып кетпөөсү зарыл.

5. Чет өлкөлүк студенттердин АКАДЕММОБунун ишке ашырылышы

5.1. Чет өлкөлүк студенттердин (мындан ары - ЧӨС) АКАДЕММОБ программасынын алкагында алмашуу жөнүндөгү университеттер аралык макулдашууларга ылайык экинчи семестрден баштап кабыл алынат.

5.2. ЧӨС АКАДЕММОБ алкагында окууга тапшыруу үчүн АКАДЕММОБ бөлүмүнүн электрондук почтасына академиялык мезгил башталганга чейин 30 күн аралыгында төмөнкү документтерди жиберет:

- белгиленген үлгүдөгү студенттин өтүнүч арызы (1-тиркеме);

- окуган жеринен аныктама;

- билими жөнүндө учурдагы транскрипти;

- ЖибОЖдун тишелүү багыт боюнча жумушчу окуу планы;

- өздүгүн күбөлөндүргөн документтин көчүрмөсүн;

- мотивдештирилген кат;

- жөнөтүүчү окуу жайдын жолдомо каты.

5.3. Келип түшкөн документтердин негизинде АКАДЕММОБ бөлүмү, окуу-информациялык департаменти (мындан ары - ОИД) тиешелүү факультеттер менен биргеликте документтерди КАОЖда окутула турган предметтерге дал келүүсүн карашат. Эгерде оң чечим кабыл алынса, анда КАОЖдун жана ЖибОЖдин координаторлору окутуу боюнча макулдашууга кол коюшат (8-тиркеме).

5.4. Жогоруда аталган документтердин негизинде тиешелүү ФД АКАДЕММОБ бөлүмү, ОИДдин макулдугу менен ЧӨСтүн окутуу боюнча макулдашуусунун негизинде сабактарга катышууга уруксат берүү жөнүндө ректорго билдирүү жана буйрук даярдайт.

5.5. АКАДЕММОБ боюнча чет элдик студенттердин академиялык кеңешчиси (эдвайзер) болуп декандын окуу иштери боюнча орун басары дайындалат жана ал индивидуалдык пландардын аткарылуусун көзөмөлдөйт жана АКАДЕММОБ программасынын ишке ашыруунун жүрүшү боюнча АКАДЕММОБ бөлүмү өз учурунда маалымдайт.

5.6. Семестрдин акырына карата офис-регистратор (деканат) ЧӨСкө КАОЖда өздөштүргөн окуу программасынын баасы менен кредиттери көрсөтүлгөн транскрипт даярдайт.

5.7. Тиешелүү факультеттин деканы АКАДЕММОБ бөлүмү, ОИДдин макулдугу менен АКАДЕММОБду ийгиликтүү ишке ашырган ЧӨСкө окууну аяктагандыгы жөнүндө сертификатты жана транскриптти берүүгө уруксат берүү жөнүндө ректорго билдирүү менен кайрылат жана буйрук даярдалат.

5.8. КАОЖга АКАДЕММОБ боюнча кабыл алынган ЧӨСтөр Кыргыз Республикасынын “Чет элдик жарандардын Кыргыз Республикасынын аймагында болуу тартиби жөнүндө” мыйзамдарын жана КАОЖдун бекитилген ички күндөлүк эрежелерин сактоого милдеттүү.

6. АКАДЕММОБдун маалыматтык жактан камсыздалышы

6.1.АКАДЕММОБду маалыматтык жактан колдоо боюнча жумуштарды уюштурууну жана тескөөнү АКАДЕММОБ бөлүмүнүн кызматкерлери факультеттердин ЭЛББКлору менен биргеликте ишке ашырышат. Факультеттердеги ЭЛББКлор декан (директор) тарабынан дайындалат.

6.2. АКАДЕММОБду ишке ашыруунун эрежелери жана процедурасы жөнүндөгү маалыматтар студенттерге жана ИПКга жайылтылат.

6.3. АКАДЕММОБ бөлүмү эл аралык кызматташуунун учурдагы абалы, өнөктөш окуу жайлар менен түзүлгөн келишимдер, меморандумдар туурасында жетекчиликке маалымат берип турат.

6.4. АКАДЕММОБ бөлүмү кызматташуу келишимдери түзүлгөн өнөктөш ЖОЖдордун тизмесин (алардын сайттарын, электрондук даректери, телефон номерлери ж.б. маалыматтарды менен көрсөтүү) эл аралык байланыштар департаментинин сайтына, FTPге регулярдуу жүктөп турат. Керектүү учурда кызматкерлердин электрондук почталарына дагы жиберет.

- АКАДЕММОБ бөлүмү эки тараптуу кызматташуу келишимдеринин негизинде кабыл алуучу чет өлкөлүк жана ата мекендик окуу жайлардын квоталары, алар түзгөн мүмкүнчүлүктөр жана академиялык мобилдүүлүк программалары, студенттер өздөрү түздөн-түз катыша ала турган стипендиялык программалар, берилген мүмкүнчүлүктөр туурасындагы маалыматтарды, жарыяларды, кулактандыркууларды департаменттин сайты, социалдык тармактар (facebook, instagram, whatsapp, telegram ж.б.), “Келбил” тиркемеси, “Нур” гезити, “Үмүт” телевидениеси аркылуу берип, студенттер менен ИПКны жеткиликтүү формада өз убагында камсыздап турат. Ошол эле учурда бул маалыматтарды факультеттеги ар бир координатордун почтасына, Келбил системасына жана WhatsApp группаларга жөнөтөт. Ал эми ЭЛББКлор АКАДЕММОБ боюнча берилген кулактандырууларды, керектүү маалыматтарды принтерден чыгарышып, факультеттердеги жарыялар тактайчаларына илишет. Мындан сырткары старосталарга, студенттердин WhatsApp группаларына жайылтышат.

6.5. Кулактандыруулар жана жарыялар АКАДЕММОБ боюнча, анын процедурасы, шарттары, мөөнөтү, катышуучуларга коюлуучу талаптар, кандидаттарды тандап алуунун критерийлери, тийиштүү шилтемелер ж.б. туурасында керектүү маалыматтарды камтып, кыска формада берилүүсү абзел.

6.6. Ар бир окуу жылынын жыйынтыгы боюнча жүргүзүлгөн академиялык мобилдүүлүк боюнча АКАДЕММОБ бөлүмү маалыматтардын статистикалык базасын түзүп, отчет даярдап, анын презентациясын сайтка жана YouTube каналына жүктөйт жана эл аралык байланыштар департаментинин жылдык отчетун камтыган китепке киргизет.

7. Академиялык мобилдүүлүктүн финансылык жактан камсыздалышы

7.1. Академиялык мобилдүүлүк программалары:

- мамлекеттер аралык келишимдердин негизинде каралган жана Республикалык бюджеттик каражаттардын;

- контрактта, гранта, долбоордо каралган максаттуу (атайын) финансылоонун каражатынын;

- конкурстук негизде ЖибОЖнын борбордук бюджетинин же бюджеттик эмес каражаттарынын;

- Эразмус+, Мевлана, ДААД, ITEC сыяктуу кредиттик мобилдүүлүк долбоорлорунун;

- чет өлкөлүк фонддордун, университеттердин, анын ичинде эл аралык уюмдардын, жеке ишкерлердин, демөөрчүлөрдүн, кайрымдуулук фонддорунун, , социалдык өнөктөштөрдүн ж.б. каражаттарынын;

- кабыл алуучу жана чакыруучу тараптын казынасынын;

- жол кире, тамак-аш, чет өлкөнүн аймагында убактылуу окуп-жашоого катталуу, учетко коюу (кээде жатакана акысы) ж.б.у.с. үчүн кетүүчү чыгымдар көбүн эсе катышуучулардын жеке каражаттарынын эсебинен каржыланат.

7.2. Студент же ИПК чет өлкөгө кирүү визасын чет өлкөлөрдүн Кыргызстандагы (же жакынкы башка өлкөдөгү) консулдук мекемелерине кайрылышып, өз алдынча алышат.

7.3. Негизинен АКАДЕММОБдун катышуучулары окуусу же иш сапарда болуусу үчүн акы төлөбөйт. Бирок айрым учурларда башка окуу жайдын билим берүү программасына карата төлөм наркы кабыл алган окуу жайда бекитилген өлчөмдө жана мөөнөттө жүргүзүлөт.

7.4. Контракттык негизде окуган студенттин башка окуу жайда өздөштүргөн жана өз окуу жайында эсепке алынган дисциплиналары үчүн ЖибОЖ контракттын эсебинен акы төлөбөйт, студенттин АКАДЕММОБун уштуруудагы чыгымдарды төлөөнү ЖибОЖ өз мойнуна алган учурду кошпогондо (төлөмдүн мындай түрү алмашуунун эл аралык программаларына катышуу үчүн каралат).

1-тиркеме

Билдирүүнүн үлгүсү

ОшМУнун ректору, доцент К.Г.Кожобековго

_____________факультетинин деканы____________________

БИЛДИРҮҮ

Академиялык мобилдүүлүк программасын ишке ашыруу алкагында, 20__ - 20__ -окуу жылдын, (күзгү, жазгы, жайкы) семестринде факультеттин төмөнкү студенттерин кабыл алуучу ЖОЖдун чакыруу катынын жана ар бир студенттин бекитилген окуу графиктеринин (тиркелет) негизинде __( кабыл алуучу ЖОЖго)_ окуп келүүгө жөнөтүүгө уруксат берүүңүздү суранам:

Студенттердин окуу графиктеринде белгиленген дистанттык окутуу технологиясы аркылуу сабак өтүүчү окутуучулар семестр ичинде сапардагы студенттер менен үзгүлтүксүз on-line режиминде ОшМУнун AVN информациялык системасы (http://avn.oshsu.kg) аркылуу байланышта болуп, окуу жараянын окуу-методикалык материалдар менен камсыздап, учурдагы жана аралык текшерүүлөрдү өз учурунда алып, жыйынтык баллдарын ведомостко киргизип турууга милдеттендирилсин.

Сапардагы студент кайтып келгенден кийин жыйынтыктоочу текшерүүнү эки жумалык мөөнөттө график боюнча уюштуруп берүү факультеттин деканатына милдеттендирилсин.

Декан: Ф.И.О.

Дата_______

2-тиркеме

Үлгү

БЕКИТЕМИН

Декан:

________________ Ф.А.А.

«________________» 20__г.

ЖЕКЕЧЕ ОКУУ ГРАФИГИ

20__ - 20__ -окуу жыл, (күзгү, жазгы, жайкы) семестр

ОшМУнун _________________ факультетинин _____ -курсунун

«___________________» багыты боюнча студенти

_______________ студенттин Ф.А.А._________________

Тайпасы: Е- mail:______________

1) Академиялык мобилдүүлүк программасы боюнча __________________ (кабыл алуучу ЖОЖдо) төмөнкү дисциплиналар өздөштүрүлөт:

2) Төмөнкү дисциплиналар дистанттык окутуу технологияларын (ДОТ) колдонуу аркылуу окутулат:*

3)

Кол коюшат:

- Студенттин Ф.А.А. * ___________ [колу]

- Кафедра башчысы * ____________ [колу]

- Факультеттин координатору * ________ [колу]

* Студенттердин окуу графиктеринде белгиленген дистанттык окутуу технологиясы аркылуу сабак өтүүчү окутуучулар семестр ичинде сапардагы студенттер менен үзгүлтүксүз on-line режиминде ОшМУнун AVN информациялык системасы (http://avn.oshsu.kg) аркылуу байланышта болуп, окуу жараянын окуу-методикалык материалдар менен камсыздап, учурдагы жана аралык текшерүүлөрдү өз учурунда алып, жыйынтык баллдарын ведомостко киргизип турууга милдеттүү. Кафедранын башчысы студенттердин академиялык мобилдүүлүгүнүн программаларын ишке ашыруу учурунда үзгүлтүксүз талдоо жүргүзөт жана академиялык мобилдүүлүк программасынын алкагында сапарга жөнөтүлгөн студенттердин индивидуалдык пландарынын аткарылышына көз салып турат. Сапардагы студент кайтып келгенден кийин жыйынтыктоочу текшерүүнү эки жумалык мөөнөттө график боюнча уюштуруп берүүгө факультеттин деканатына милдеттүү. ДОТту колдонуу менен билим берүүдө дистанттык окутуу жараянын уюштуруу үчүн факультеттин академиялык мобилдүүлүк боюнча координатору жооптуу.

3-тиркеме

Үлгү

ОшМУнун ректору, доцент К.Г.Кожобековго

_____________факультетинин деканы____________________

БИЛДИРҮҮ

________________программасынын алкагында академиялык мобилдүүлүк программасын ишке ашыруу үчүн __ (жөнөтүүчү ЖОЖдон)_ келген төмөнкү студенттердин ОшМУда 20__ - 20__ -окуу жылдын, (күзгү, жазгы, жайкы) семестринде билим алып, ийгиликтүү экзамен тапшырып, алган бааларынын жана топтогон кредиттеринин негизинде окууну аяктаганы жөнүндө сертификаттарды жана транскриптерди берүүңүздү суранам:

Декан: Ф.И.О.

4-тиркеме

ҮлгүОтчеттун болжолдуу формасы

САПАР (ТАКШАЛМА) ЖӨНҮНДӨ ОТЧЕТ *

*Сапар же такшалма жөнүндө отчетту төмөнкү талаптарды эске алуу менен даярдоо зарыл:

1) Өзүңөрдүн сапарыңар же такшалмаңар боюнча фото жана презентация тиркелген тексттик отчет даярдоо.

2) Отчеттун негизги мазмунунда өзүңөрдүн багытынар (адистигиңер) боюнча окууңар жана илимий темаңар үчүн негизги жыйынтыктарга басым жасагыла.

3) Чет өлкөдөгү ЖОЖдордо билим берүүнү уюштуруунун өзгөчөлүктөрүн жана ОшМУ үчүн пайдалуу жактарын белгилеп көрсөткүлө.

4) Сапар же такшалма учурундагы кемчиликтер жана көйгөйлөр.

5) Келечектеги сапарга чыгуучуларга, ЭАББга жана студенттерге эмнелерге көңүл буруу керек экендиги жөнүндө сунуштар жана эскертүүлөр.

6) ОшМУ жөнүндө чет өлкөлөрдө кандай жарнамалык иш чараларды кантип чыңдоо керек?

5-тиркеме

Отдел международных связей, ул. Ленина 331, 723500, г. Ош, Кыргызстан

Инд.: 723500, Ленин к. , 331,

тел.: (+996 03222) 22273,

факс.:(03222) 24066

oshsu.oms@gmail.com

АНКЕТА

2019 / 2020 учебный год

ПЕРСОНАЛЬНЫЕ ДАННЫЕ

Имя:________________________________________________

Фамилия:____________________________________________

Отчество:____________________________________________

Дата рождения:______________________Пол_____________

Национальность:___________________Гражданство___________________

Домашний адрес (улица, город, страна, индекс):_______________________

__________________ ________________________________

Место рождения:____________________________________ Номер паспорта: __________________

E-mail: ____________________________________________ Телефон:__________________________

Контакты человека на случай необходимости:

______________________________________________ Телефон:__________________________

УРОВЕНЬ ОБРАЗОВАНИЯ, ПРОГРАММА ОБУЧЕНИЯ И ПЕРИОД ОБУЧЕНИЯ

Уровень образования на настоящий момент в домашнем ВУЗе:

o Бакалавриат

o Магистратура

Год обучения на настоящий момент в домашнем ВУЗе:______________________________________

Программа обучения в домашнем ВУЗе (специальность):____________________________________

Уровень образования в принимающем ВУЗе

o Бакалавриат

o Магистратура

Программа обучения в принимающем ВУЗе (специальность):

Период обучения:

o Осенний семестр (зимний)

o Весенний семестр (летний)

o Академический год

ИНФОРМАЦИЯ О ПРИНИМАЮЩЕМ ВУЗе:

Название ВУЗа_______________________________________________________________________

Адрес ВУЗа (улица, город, страна, индекс)________________________________________________

Координатор ________________________________________________________________________

E-mail: _____________________________Телефон:_________________________________________

ДОПОЛНИТЕЛЬНАЯ ИНФОРМАЦИЯ

Нужна ли Вам виза?

Да ___ Нет___

Желаете ли получить место в общежитии?

Да___ Нет___

ИНФОРМАЦИЯ О РОДИТЕЛЯХ:

Ф.И.О (отец)_________________________________________________________________________

Ф.И.О (мать)_________________________________________________________________________

Адрес проживания:___________________________________________________________________

Телефон:____________________________________________________________________________

ИНФОРМАЦИЯ О КООРДИНАТОРЕ ВУЗа:

Ф.И.О_________________________________________Телефон:______________________________

Подпись координатора ВУЗа _________________________

Подпись студента ___________________________________

6-тиркеме

Для представления в

Ошский государственный

университет (Кыргызская Республика)

ПИСЬМО-ГАРАНТ

Первое сентября две тысяча восемнадцатого года

Я, АсановҮсөн, 22.07.1970 года рождения, паспорт серии АN3797940 от 21.02.2016 года выдан ГРС 50-41, зарегистрированный по адресу: село Жалпак-Таш, ул. Абакир уулу Төрөбек, являюсь отцом Үсөнова Ташмата, 03.06.1995 года рождения, паспорт АN3311106, выдан МКК 50-41 от 11.03.2013 года, гарантирую возвращение моего сына в родной вуз по окончании учебы в рамках программы академической мобильности в Бишкекском государственном университете Кыргызская Республика, город Бишкек с 1 сентября 2018 года по 31 декабря 2018 года и беру на себя полную ответственность в случае нарушении данного гаранта.

Я также подтверждаю, что беру на себя полную ответственность по финансовому обеспечению своего сына, ответственность в случаи нарушения сыном внутренних положений Бишкекского гуманитарного университета, правил и законодательства Кыргызской Республики, ответственность за действия, совершаемые сыном во время пребывания в Бишкеке.

При этом заявитель предупрежден(а) о том, что согласно п. 31 Инструкции о порядке совершения нотариальных действий сведений и документов возлагается на лиц, их предоставивших, а так же при подписании настоящего заявления заявитель подтверждает, что в дееспособности не ограничен, под опекой, попечительством не состоит, не находиться в состоянии наркотического, токсического, алкогольного опьянения, по состоянию здоровья может осуществлять свои права и исполнять обязанности, не страдает заболеваниями, могущими препятствовать осознанию сути подписываемого заявления, а также подтверждает, что не находится под влиянием заблуждения, обмана, насилия, угрозы, злонамеренного соглашения или стечения тяжелых обстоятельств, по состоянию здоровья может осуществлять свои права и исполнять свои обязанности, не страдает заболеваниями, могущими препятствовать осознанию сути подписываемого заявления.

Настоящее заявление прочитано мной до подписания и полностью соответствует моим намерениям.

Подпись___________

Ф.И.О.__________________________________________________________________

«01» сентября 2019 года, я, Токторбаева Жылдыз Кулуевна, частный нотариус Ошского городского нотариального округа (лицензия № 300 выдана МЮ КР от 02.07.2007г) свидетельствую подлинность подписи лично явившегося ко мне гражданина Усенбаева Жеңишбека Балбыровича, известного мне как лицо, указанное в настоящем документа, собственноручно подписавшего его в моем присутствии и должным образом подтвердившего мне оформление этого документа, которая сделана в моем присутствии. Личность подписавшего документ установлена дееспособность проверена.

Нотариус, свидетельствую подлинность подписи, не удостоверяет фактов изложенных в документа, а лишь подтверждает, что подпись сделана определенным лицом

Зарегистрировано в реестре за №3191

Взыскано государственной пошлины 50 сом

Нотариус ________________ Токторбаева Ж.К.

Кепилдик каты

Мен ____________________________________________Аты-жөнү (толугу менен) уулум/кызым/иним/карындашым/неберем ____________________________________Аты-жөнү (толугу менен) 2021-2022-окуу жылынын күзгү семестрин академиялык мобилдүүлүк программасы боюнча Ош мамлекетик университетинен __________________________________________________ (окуу жайдын аталышы) барып, 1 семестр окуп келүүсүнө макулдугумду берем. Сапар чыгымдарын жана күнүмдүк турмушта коротулуучу акча-каражаттарын өз жанымдан көтөрүүгө даярмын. Уулум/кызым сабактарга катышпай, кандайдыр бир туура эмес иштерге аралашып, кабыл алган окуу жайдын ички тартибин бузуп, эрежелерине баш ийбей, терс кылык-жорук көрсөтүп, начар жүрүм-туруму менен айырмаланса, бул үчүн керт башым менен жооп берем. Окуусун аяктаган соң өз окуу жайына кайта келүүсүнө кепил болом. Паспортумдун көчүрмөсүн тиркеймин.

Колу _______________________

Дата _______________________

Гарантийное письмо

Я ____________________________________________ФИО (полностью) сын/дочь/племяник(ца)/внук(чка) ____________________________________ ФИО (полностью) студент(ка) Ошского государственного университета, даю свое согласие на обучение (1 семестр,1 год) в рамках академической мобильности на (осенний-весенний) 2021-2022-учебного года в__________________________________________________ (название вуза ).Я готов(а) нести транспортные и повседневные материальные расходы. Если сын/дочь не посещает занятия, нарушает внутренний распорядок принятого учебного заведения, не подчиняется его правилам, отличается плохим поведением, то я с полной ответственностью отвечаю за это. Я гарантирую, что после окончания учебы мой(моя) сын/дочь вернется в свое учебное заведение. К письму прилагаю копию своего паспорта.

Подпись____________________

Дата _______________________

7-тиркеме

Үлгү

Анкета-билдирүү (окутуучулар үчүн)

ФАМИЛИЯСЫ ____________________________________________________

АТЫ _____________________________________________________________

ФАМИЛИЯСЫ (чет өлкөлүк паспорттогу)______________________________

АТЫ (чет өлкөлүк паспорттогу)_______________________________________

ЖЫНЫСЫ_______ТУУЛГАН ДАТАСЫ «________»_____________20___-ж.

ТУУЛГАН ЖЫЛЫ__________________________________________________

(Өлкөсү, шаары)

ЖАРАНДЫГЫ ____________________________________________________

ПАСПОРТ СЕРИЯСЫ ____________ _________________________________

НОМЕРИ__________________________________________________________

ЖАРАКТУУЛУК МӨӨНӨТҮ «__________» _________________________-ж.

«__________» ____________________ж.

Кабыл алган университеттин, билим берүү мекемесинин толук аталышы, жайкашкан өлкөсү, шаары) __________________________________________

__________________________________________________________________

Кызматы ______________________________________________________

Иштеген жери, дареги, телефону, электрондук почтасы

__________________________________________________________________

Жашаган үйү дареги (өз өлкөсүндөгү)

__________________________________________________________________

_________________________________________________________________

Иш сапарынын максаты _____________________________________________ Иш сапардын башталган жана аяктаган мөөнөттөрү______________________

Иш сапардын жыйынтыгы____________________________________________

Иш сапардан алган тажрыйбаны бөлүшүүсү_________________________________________________________________________________________________________________________________________________________________________________________________________________________________________________________________________________________________________________________________

Анкета толтурулган дата__________________________

Колу _______________

8 -тиркеме

Кабыл алуучу ЖОЖ

Биз окутуунун сунушталган программага /окутуу боюнча келишимге жогоркудай өзгөртүүлөр киргизилгенин жактырылганын тастыктайбыз