Университетте профессордук-окутуучулук курамдын кызмат орундарын толуктоо боюнча конкурстук тандоонун кезектеги этабы өткөрүлдү. Иш-чара пландуу негизде уюштурулуп, талапкерлердин кесиптик жана педагогикалык компетенцияларын баалоонун бир нече этаптарын камтыды.

Биринчи этапта катышуучулар предметтик тестирлөөдөн өтүшүп, анын жыйынтыгында жетиштүү билим деңгээлин көрсөткөн талапкерлер тандалып алынды. Андан соң педагогика жана психология боюнча тестирлөөнү, ошондой эле катышуучулардын окуу жана кесиптик ишмердүүлүгүнүн көрсөткүчтөрүн талдоону камтыган кийинки этап уюштурулду.

Конкурстун бардык этаптарынын жыйынтыгы боюнча коюлган талаптарга жооп берген талапкерлер аныкталып, ишке орноштурууга сунушталды.

Кадрдык резервге тандоо системалуу түрдө жүргүзүлүп, сапаттуу жана кесипкөй окутуучулук курамды калыптандырууга багытталган. Мындай иш-чаралардын өткөрүлүшү билим берүү процессинин натыйжалуулугун жогорулатууга жана университеттин кадрдык потенциалын өнүктүрүүгө өбөлгө түзөт.