Кытайдын белгилүү Huibo Robotics компаниясы менен сырткы байланыштар ОшМУ Кытайдын белгилүү Huibo Robotics компаниясы менен тыгыз кызматташып келет. 2022-жылы ОшМУнун "Next Generation Hub" борбору Huibo Robotics менен биргеликте робототехника жана автоматташтыруу тармактарында билим берүү жана изилдөө иш-чараларын жүргүзүү боюнча кызматташтыкты өнүктүрүүдө.

Кытайдын Huibo Robotics компаниясы ОшМУга робототехника жана мехатроника тармагында жаңы технологиялар жана жабдууларды алып келди. Бул кызматташтык студенттерге акыркы илимий жана технологиялык жетишкендиктерге негизделген практикалык билим алууга мүмкүнчүлүк түзөт. ОшМУ Huibo Robotics менен жүргүзгөн иштешүү аркылуу студенттерди өнөр жай шарттарына даярдоо, роботторду программалоо жана автоматташтыруу системаларын түзүү боюнча терең билимдер менен камсыз кылат.

Ошондой эле, Huibo Robotics компаниясы ОшМУга робототехника жана жасалма интеллект жаатында алдыңкы жабдууларды камсыз кылып, студенттерге жана окутуучуларга жаңы технологияларды үйрөнүү үчүн уникалдуу мүмкүнчүлүктөрдү берет.

Ош мамлекеттик университети Кытай Эл Республикасынын Нанкин Техникалык Институту менен билим берүү тармагында кызматташтыкты ийгиликтүү ишке ашырды. Кызматташтыктын алкагында студенттер үчүн 2+2 форматындагы биргелешкен билим берүү программасы түзүлдү.

Ага ылайык, студенттер окуунун алгачкы эки жылын Кыргыз Республикасында — Ош мамлекеттик университетинде, ал эми кийинки эки жылын Кытай Эл Республикасында — Нанкин Техникалык Институтунда улантуу мүмкүнчүлүгүнө ээ болушту.

Бул программа студенттерге эл аралык академиялык тажрыйба топтоого, заманбап билим жана практикалык көндүмдөрдү өздөштүрүүгө, ошондой эле эки өлкөнүн билим берүү системалары менен терең таанышууга шарт түзөт. Мындан тышкары, кызматташтык академиялык мобилдүүлүктү кеңейтүүгө, студенттердин кесиптик атаандаштыкка жөндөмдүүлүгүн жогорулатууга жана эл аралык деңгээлдеги адистерди даярдоого багытталган.