Урматтуу кесиптештер, кымбаттуу айымдар!

Мен, аялдар кеңешинин төрайымы Дурсунбаева Аида Жакыповна, сиздерге терең урматтоо менен кайрылам.

Аялзаты – коомдун негизи, үй-бүлөнүн куту жана тарбиянын башаты. Бүгүнкү күндө айымдардын коомдогу ролу барган сайын өсүп, билим берүүдө, илимде, маданиятта жана коомдук турмушта активдүү орду бекемделип келет.

Аялдар кеңеши айымдардын укуктарын коргоо, алардын демилгелерин колдоо жана мүмкүнчүлүктөрүн кеңейтүү багытында үзүрлүү иш алып барууда. Биздин максат – ар бир аялдын өз дараметин толук ачууга шарт түзүү жана биримдикте коомубуздун өнүгүшүнө салым кошуу.

Урматтуу айымдар! Сиздерди активдүү болууга, өз билимиңиздерди жана тажрыйбаңызды коомдун өнүгүшүнө багыттоого чакырам. Биргелешкен аракетибиз менен биз сөзсүз түрдө алдыга койгон максаттарыбызга жетебиз.

Сиздерге бекем ден соолук, үй-бүлөлүк бакыт жана иштериңиздерге ийгилик каалайм!

Урматтоо менен,
Дурсунбаева Аида Жакыповна
Аялдар кеңешинин төрайымы