Главная
ӨНҮГҮҮ ТАРЫХЫ
«Агрономия жана колдонмо геодезия» кафедрасы
Табият таануу, дене тарбия, туризм жана агрардык технологиялар институтунун
«Агрономия жана колдонмо геодезия» кафедрасы – заман талабына жооп берген
адистерди даярдоого багытталган жаш жана динамикалуу өнүгүп жаткан бөлүм.
Кафедранын тарыхы 2018-жылдан башталат. Бул жылы зоология жана жалпы экология
кафедрасынын базасында «Ветеринария» адистиги ачылып, агрардык билим берүүнүн
пайдубалы түзүлгөн.
2020-жылы структуралык өзгөрүүлөр жүргүзүлүп, «Дыйканчылык» кафедрасы түзүлгөн.
Ошол эле жылдан тарта агрономия багыты боюнча студенттер кабыл алына баштаган.
2022-жылы «Агрономия» жана «Колдонмо геодезия» адистиктери бириктирилип,
азыркы кафедра түзүлгөн. Бул кадам билим берүүнүн сапатын жогорулатууга
жана илимий изилдөөлөрдү кеңейтүүгө шарт түздү.
Кафедраны 2022-жылдан бери
Муратова Рахима Темирбаевна жетектейт.
Бүгүнкү күндө кафедра төмөнкү адистиктер боюнча кадрларды даярдайт:
- Агрономия (бакалавр)
- Колдонмо геодезия (специалитет)
Агрономия багытындагы студенттер топурактын асылдуулугун, дыйканчылык
мыйзамдарын жана заманбап агротехнологияларды өздөштүрүшөт.
Ал эми геодезия адистиги Жердин формасын, өлчөмдөрүн изилдеп,
инженердик жана курулуш тармагында колдонулат.
Кафедра илимий-изилдөө иштерине активдүү катышып, студенттерди
практикага даярдоого өзгөчө көңүл бурат.
Кафедранын миссиясы
Агрономия жана геодезия тармактарында жогорку квалификациялуу, заманбап талаптарга жооп берген, атаандаштыкка жөндөмдүү адистерди даярдоо.
