2025-жылдын 9-декабрында Ош мамлекеттик университетинде мамлекеттик жана коомдук ишмер, КР У�А академиги, химия илимдеринин доктору, профессор Бектемир Мурзубраимовдун 85 жылдык мааракесине арналган салтанаттуу жыйын болуп өттү. �ш-чаранын башталышында катышуучулар академиктин илимий-педагогикалык, мамлекеттик жана коомдук ишмердүүлүгүн чагылдырган көргөзмө менен таанышышты. Ошондой эле маараке ээси жөнүндө даярдалган документалдык видеотасма тартууланды. Салтанатты ОшМУнун ректору, ф.-м.и.д., профессор К.Кожобеков расмий ачып, куттуктоо сөзүн сүйлөдү. Андан кийин КР Президентинин Ош облусундагы ыйгарым укуктуу өкүлүнүн орун басары Т.К.Арстанкулов, Ош шаарынын вице-мэри Н.А.Закиров, Ош облустук аксакалдар кеңешинин төрагасы А.К.Карашев, түштүктө жайгашкан ЖОЖдордун жетекчилери, башка коноктор куттуктоолорун айтышты.

Салтанаттуу жыйындын негизги бөлүгүн академик Б.Мурзубраимовдун илимий-изилдөөчүлүк, билим берүүгө сиңирген эмгеги жана коомдук-саясий ишмердүүлүгү боюнча илимий баяндамалар түздү. Тактап айтканда, төмөнкү баяндамалар окулду: Низамиев А.Г., г.и.д., профессор - “Академик Бектемир Мурзубраимовдун илимий-изилдөөчүлүк ишмердүүлүгү: ийги изденүүлөр, ишке ашкан идеялар, ири ийгиликтер”; Матиева Г., КР У�А корреспондент-мүчөсү, ф.-м.и.д., профессор - “Академик Б.Мурзубраимовдун ОшМУдагы жана жалпы билим берүү системасындагы ишмердүүлүгү”; Жумабаева Т.Т., КР У�А корреспондент-мүчөсү, б.и.д., профессор - “Бектемир Мурзубраимов: коомдук-саясий ишмер, мекенчил инсан”.

�ш-чара концерттик номерлер менен улантылып, маараке ээси Б.Мурзубраимов ыраазычылык сөзү менен аяктады.