Ош МУнун магистратурасы орто мектептер менен иш алып барууда! Ош МУнун магистратура департаментинин жетекчилигинде искусство факультетинин магистратура башчысы Көчкөнбай кызы Гулида жана доцент Бакиров Ысмайыл Ош шаарындагы №43 Бабур, №15 М. Курбанов жана №16 Кыргызстандын 40 жылдыгы атындагы орто мектептеринде жолугушууларды өткөрүп кайтышты. Мектеп мугалимдери менен болгон жолугушууда агай-эжекелер учурдагы жаңы окутуу системасында магистратуранын ээлеген орду жөнүндө сөз кылып, орто мектеп мугалимдерин Ош МУнун магистратурасына тапшырууга үндөштү.

ОшМУ үч баскычтуу билим берүүгө (бакалавриат, магистратура, PhD докторантура) укук алган республикадагы 3 мамлекеттик университеттин курамына кошулуп, бүгүнкү күндө Борбордук Азиядагы билим берүүнү, илимдин жана маданияттын жалпыга таанымал борборуна айланды.

Учурда университетте 40тан ашуун багыт боюнча магистрдик программалар бар жана бул тизме жылдан жылга өсүүдө. 6282 18:20 24-06-2014