Факультеттер аралык кыргыз тили кафедрасы

Кафедранын девизи: Изденүү ийгиликке, ынтымак ырыскыга жеткирет

КАФЕДРАНЫН ПАСПОРТУ ЖАНА ПРОГРАММАСЫ

Кафедранын илимий багыты - ЖОЖдордо кыргыз тилин тутумдук-деңгээлдик негизде окутуунун жана кыргыз адабияты курсун окутуунун теориялык-усулдук негиздеринөркүндөтүү

Кафедранын максат-милдеттери:

· Кыргыз Республикасынын мамлекеттик тил жөнүндөгү мыйзамын жана Улуттук программанын максат-милдеттерин ишке ашыруу үчүн кеңири масштабдагы иш-аракеттерди жүргүзүү;

· кыргыз тилин тутумдук-деңгээлдик негизде окутуу жана кафедранын илимий багыты, изилдөө проблемасы боюнча түрдүү иш-чараларды уюштуруу;

· кыргыз тилин тутумдук-деңгээлдик негизде үйрөтүү-окутуу жана кыргыз адабияты курсун окутуу боюнча окуу-көнүгүү китептерин, окуу куралдарын, окуу-усулдук колдонмолорду, сөздүктөрдү, хрестоматияларды, тексттер жыйнактарын иштеп чыгуу;

· чет элдик жана республиканын жогорку окуу жайлары жана мектептери менен кыргыз тилин эне тили, экинчи тил, чет тили катары окутуу жана кыргыз адабияты курсун окутуу багытында тыгыз кызматташтыкта иштешүү;

· окутуунун заманбап технологияларын өздөштүрүү, өндүрүшкө киргизүү жана жайылтуу;

· кесипкөй адистерди даярдоого, сапаттуу билим берүү процессине салым кошуу;

· профессордук-окутуучулук курамдын квалификациясын үзгүлтүксүз жогорулатуу максатында өлкөдөгү, жакынкы жана алыскы мамлекеттердин окуу жайлары менен кызматташтыкты күчөтүү жана тажрыйба алмашуу үчүн ички-сырткы мобилдүүлүктү жигердүү ишке ашыруу, усулдук семинарларга, тренингдерге байма-бай катышуу;

· ЖОЖдордо кыргыз тилин тутумдук-деңгээлдик негизде жана кыргыз адабиятын окутууну өнүктүрүү багытындагы изилдөөлөрдү күчөтүү.